క్యాన్సర్‌తో పోరాడి ఓడిన ‘బ్లాక్ పాంథర్’ హీరో.. హాలీవుడ్‌లో విషాదం

‘బ్లాక్ పాంథర్’ పాత్రతో ప్రపంచ వ్యాప్తంగా ఎంతో మంది అభిమానులను సంపాదించుకున్న హాలీవుడ్ నటుడు చాడ్విక్ బోస్‌మన్ కన్నుమూశారు. పెద్దపేగు క్యాన్సర్‌తో నాలుగేళ్లపాటు పోరాడిన చాడ్విక్ చిరకు దానిపై ఓడి శనివారం తుదిశ్వాస విడిచారు. ఆయన వయసు 43 సంవత్సరాలు. లాస్ ఏంజిల్స్‌లోని తన నివాసంలోనే చాడ్విక్ మరణించారు. 2016లో క్యాన్సర్‌కు చాడ్విక్ చికిత్స పొందారు. అప్పటికి ఆయనకు క్యాన్సర్ మూడో దశలో ఉంది. 2016లో వచ్చిన ‘కెప్టెన్ అమెరికా: సివిల్ వార్’లో తొలిసారి మార్వెల్ సూపర్‌హీరో బ్లాక్ పాంథర్ పాత్రను బోస్‌మన్ పోషించారు. ఈ పాత్రతో బోస్‌మన్ ఎంతో మందికి ఫేవరేట్ అయిపోయారు. ఆ తరవాత 2018లో వచ్చిన ‘బ్లాక్ పాంథర్’ సినిమాతో ఆయన ఇమేజ్ మరింత పెరిగింది. ‘అవెంజర్స్: ఇన్ఫినిటీ వార్’, ‘అవెంజర్స్: ఎండ్‌గేమ్’ చిత్రాల్లో సైతం బ్లాక్ పాంథర్‌గా బోస్‌మన్ కనిపించారు. ఇలాంటి గొప్ప నటుడు పిన్న వయసులోనే మృతి చెందడంతో హాలీవుడ్‌లో విషాదఛాయలు అలుముకున్నాయి. Also Read: బోస్‌మన్ మృతికి అవెంజర్స్ కో-స్టార్స్ క్రిస్ ఎవాన్స్, మార్క్ రఫలో, క్రిస్ ప్రాట్ సోషల్ మీడియా ద్వారా నివాళులర్పించారు. అలాగే, యూఎస్ డొమోక్రటిక్ అధ్యక్ష అభ్యర్థి జో బైడెన్ కూడా నివాళులర్పించిన వారిలో ఉన్నారు. ఇప్పటి వరకు వెండితెరపై చూసిన అన్నింటికన్నా బోస్‌మన్ పవర్ చాలా పెద్దదని ఆయన ట్వీట్ చేశారు. ఇక కెప్టెన్ అమెరికా పాత్రధారి క్రిస్ ఎవాన్స్ అయితే తీవ్ర భావోద్వేగానికి గురయ్యారు. బోస్‌మన్ మరణవార్త విని కుంగిపోయానని, తన గుండె బద్దలైపోయిందని ఎవాన్స్ ట్వీట్ చేశారు. ‘రెస్ట్ ఇన్ పవర్, కింగ్’ అంటూ తన మిత్రుడికి నివాళి అర్పించారు.

from Telugu Movie News | Movie News in Telugu | Movie Gossips in Telugu https://ift.tt/3hFm7s1
v