హీరో ప్రస్తుతం మంచి జోరుమీద ఉన్నారు. ‘భీష్మ’ సినిమాతో మళ్లీ సక్సెస్ ట్రాక్ ఎక్కిన నితిన్.. ప్రస్తుతం వెంకీ అట్లూరి దర్శకత్వంలో ‘రంగ్ దే’ సినిమా చేస్తున్నారు. కీర్తి సురేష్ హీరోయిన్గా నటిస్తున్నారు. సితార ఎంటర్టైన్మెంట్స్ బ్యానర్పై సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ సినిమా తర్వాత బాలీవుడ్ హిట్ మూవీ ‘అంధాధున్’ రీమేక్లో నితిన్ నటించనున్నారు. ఈ సినిమాకు మేర్లపాక గాంధీ దర్శకత్వం వహించనున్నారు. ఆయుష్మాన్ ఖురానా, టబు, రాధికా ఆప్టే ప్రధాన పాత్రలు పోషించిన ‘అంధాధున్’ మూవీ 2018లో విడుదలై పెద్ద విజయం సాధించింది. ప్రేక్షకుల నుంచే కాకుండా విమర్శకుల నుంచి కూడా ఈ సినిమాకు ప్రశంసలు అందాయి. ఈ సినిమాను తెలుగులో రీమేక్ చేస్తున్నట్టు కొన్ని నెలల క్రితం ప్రకటించారు. ఇంకా టైటిల్ ఖరారు చేయని ఈ సినిమాను ఈ ఏడాది జూన్లో పట్టాలెక్కిద్దాం అని భావించారు. కానీ, కరోనా వల్ల కుదరలేదు. Also Read: అయితే, ఈ సినిమాపై ఇప్పటికే బోలెడన్ని రూమర్లు వచ్చాయి. ‘గ్యాంగ్ లీడర్’ ఫేమ్ ప్రియాంక అరుల్ మోహన్ ఈ చిత్రంలో హీరోయిన్గా నటించనున్నారని టాక్ వినిపించింది. అలాగే, టబు పాత్ర కోసం తెలుగులో నయనతారను సంప్రదించారని అన్నారు. అయితే, ఆమె రెమ్యునరేషన్ భారీగా డిమాండ్ చేయడంతో నిర్మాతలు వెనక్కి తగ్గారని టాక్. ఇదిలా ఉంటే, ఇప్పుడు ఈ పాత్ర గురించి మరో రూమర్ ఇండస్ట్రీ వర్గాల్లో చక్కర్లు కొడుతోంది. ఈ రీమేక్ మూవీలో టబు పాత్ర కోసం దర్శక నిర్మాతలు శ్రియా శరణ్ను సంప్రదించారని టాక్ వినిపిస్తోంది. ఆమె కూడా నటించడానికి పచ్చజెండా ఊపారని టాక్. దీనిపై త్వరలోనే అధికారిక ప్రకటన వెలువడుతుందని అంటున్నారు. ఈ చిత్రాన్ని నితిన్ తండ్రి ఎన్. సుధాకర్ రెడ్డి, సోదరి నిఖితా రెడ్డి నిర్మిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3ltBfeH
v
No comments:
Post a Comment