కరోనాతో పోరాడుతోన్న దిగ్గజ గాయకుడు ఆరోగ్య పరిస్థితి నిలకడగా ఉంది. ఆయన పూర్తిగా కోలుకోకపోయినప్పటికీ ఆరోగ్యం నిలకడగా ఉందని చెన్నైలోని ఎంజీఎం హాస్పిటల్ శుక్రవారం ప్రకటించింది. ఇదే విషయాన్ని ఎస్పీ బాలు తనయుడు చరణ్ కూడా సోషల్ మీడియా ద్వారా వెల్లడించారు. తన తండ్రి ఆరోగ్య పరిస్థితిలో ఎలాంటి మార్పులేదని నిన్న (ఆగస్టు 20న) భావోద్వేగానికి గురైన చరణ్.. ఈరోజు ఆయన ఆరోగ్యం నిలకడగా ఉందని గుడ్ న్యూస్ చెబుతూ వీడియో మెసేజ్ను విడుదల చేశారు. ‘‘ఈరోజు నాన్న ఆరోగ్యం నిలకడగా ఉంది. నిన్న ఆయన ఆరోగ్యం విషమంగా ఉన్నా.. ఈరోజు హాస్పిటల్ విడుదలచేసిన ప్రెస్ రిలీజ్లో నిలకడగా ఉందని పేర్కొన్నారు. వాళ్లు ‘విషమం’ అనే పదాన్ని వాడలేదు. దానర్థం ఆయన పూర్తిగా కోలుకున్నారని కాదు. ఆయన ప్రణాధారాలు అన్నీ బాగా పనిచేస్తున్నాయి. వైద్య సిబ్బందిపై మాకు పూర్తి నమ్మకం ఉంది. నాన్న కోలుకోవాలని ఎంతో మంది ప్రార్థిస్తున్నారు. నాన్న ఆరోగ్యం నిలకడగా ఉందని తెలిసి మేమంతా చాలా ఆనందంగా ఉన్నాం. మా నాన్న మీద, మా కుటుంబం మీద ప్రేమాభిమానాలు చూపించడమే కాకుండా, మా నాన్న కోసం ప్రార్థిస్తున్న ప్రతి ఒక్కరికీ ధన్యవాదాలు’’ అని చరణ్ వీడియోలో వెల్లడించారు. కాగా, కరోనా వైరస్ సోకడంతో ఎస్పీ బాలసుబ్రహ్మణ్యం ఆగస్టు 5న చెన్నైలోని ఎంజీఎం హాస్పిటల్లో చేరిన విషయం తెలిసిందే. మొదట జలుబు, జ్వరం వంటి స్వల్ప లక్షణాలతో బాధపడిన బాలు.. ఆగస్టు 13న తీవ్ర అస్వస్థతకు గురయ్యారు. ఆ రోజు నుంచి ఆయనకు ఐసీయూలో వెంటిలేటర్పై చికిత్స అందిస్తున్నారు. ఇప్పుడు వెంటిలేటర్తో పాటు ఈసీఎంవో (ఎక్స్ట్రాకార్పోరియల్ మెంబ్రేన్ ఆక్సీజనేషన్) సపోర్ట్తో చికిత్స చేస్తున్నారు. ఎస్పీ బాలుకు చికిత్స అందిస్తోన్న బృందంలో విదేశీ వైద్యులు కూడా ఉన్నట్టు సమాచారం. బాలసుబ్రహ్మణ్యం త్వరగా కోలుకుని సంపూర్ణ ఆరోగ్యంతో ఇంటికి తిరిగి రావాలని ఆ దేవుడిని ప్రార్థిద్దాం.
from Telugu Movie News | Movie News in Telugu | Movie Gossips in Telugu https://ift.tt/3j2hVmK
v
No comments:
Post a Comment