‘కొన ఊపిరితో ఉన్న టీడీపీ.. లోకేష్ చేతుల్లోకి వెళ్తే భూస్థాపితం’ .. మళ్లీ నిప్పు రాజేశాడు

గత ఎన్నికల్లో ఘోర పరాజయంతో టీడీపీ కేడర్ బాగా డల్ అయ్యింది. వారిలో ఉత్సాహం నింపేందుకు చంద్రబాబు వరుసగా జూమ్ లైవ్‌లు ఇస్తున్నా జనాల్లో పెద్దగా ప్రభావం చూపించడం లేదు. దీంతో డైరెక్ట్‌గా జనంలోకే వెళ్లేందుకు ఆయన తనయుడు లోకేష్ రెడీ అవుతున్నట్టు రాజకీయ వర్గాల్లో చర్చ నడుస్తోంది. జగన్ మాదిరి లోకేష్ బాబు కూడా పాదయాత్ర చేసి మాస్ లీడర్ అనిపించుకునేందుకు సమాయత్తమవుతున్నట్టు తెలుస్తోంది. ఆయన పాదయాత్ర చేస్తారా? లేక మళ్లీ సైకిల్ ఎక్కి సైకిల్ యాత్ర చేస్తారో తెలియదు కాని.. మొత్తానికైతే చంద్రబాబు తనయుడిగా.. టీడీపీ జాతీయ ప్రధాన కార్యదర్శిగా తనను తాను నిరూపించుకోవాల్సిన అవసరం అయితే ఎంతైనా ఉంది. ఈ తరుణంలో లోకేష్ బాబులో అసలు లీడర్ షిప్ క్వాలిటీస్ లేవని.. పార్టీ ఆయన చేతిల్లోకి వెళ్తే కొనఊపిరితో ఉన్న టీడీపీ భూస్థాపితం కావడం ఖాయమే అంటూ సంచలన కామెంట్స్ చేశారు రాజకీయ, సినీ విశ్లేషకుడు మహేష్ కత్తి. వచ్చే ఎన్నికల నాటికైనా టీడీపీ పుంజుకుంటుందా? అంటే చంద్రబాబుకి ప్రత్యామ్నాయంగా మరో బలమైన లీడర్ రావాలని అప్పుడే ఏదైనా సాధ్యం అవుతుందని లోకేష్ బాబు వల్ల అయితే పార్టీ పుంజుకోవడం జరగదంటూ షాకింగ్ కామెంట్స్ చేశారు . ఈ సందర్భంగా ఆయన మాట్లాడుతూ.. ‘లోకేష్ బాబు ఖచ్చితంగా తండ్రికి తగ్గ తనయుడు కాదు.. అతనికంటూ ఒక వ్యక్తిత్వం ఉందో లేదో తెలియదు. ప్రస్తుత పరిస్థితులు.. గత అనుభవాలను పరిగణలోకి తీసుకుంటే లోకేష్ బాబు.. అటు పార్టీకి ఇటి ప్రజలకు ప్రతిబంధకంగానే ఉంటాడు. అతన్ని అతను నిరూపించుకునేంత వరకూ నమ్మలేం. అతన్ని నమ్మి పార్టీనికాని, రాష్ట్రాన్ని కాని అతని చేతిలో పెట్టలేం. కాబట్టి ఆయనకు నిరూపించుకోవాల్సిన అవసరం ఎంతైనా ఉంది. టీడీపీ ఇప్పటికే కొన ఊపిరితో ఉంది. పార్టీని నడిపించే చంద్రబాబు యాక్టివ్‌గా లేకపోవడం.. లోకేష్ బాబులో లీడర్ షిప్ క్వాలిటీస్‌ని చూడలేకపోవడం వల్ల చాలామంది టీడీపీ ముఖ్య నాయకులు బీజేపీ, ఇతర పార్టీల్లోకి వెళ్తున్నారు. ఇప్పటికి జరిగిన నష్టమే కాకుండా భవిష్యత్‌లో టీడీపీ విచ్ఛిన్నం కాబోతుందనే సంకేతాలు క్లియర్ కట్‌గా కనిపిస్తున్నాయి. తెలుగుదేశం పార్టీలో చంద్రబాబుకి ప్రత్యామ్నాయంగా మరో లీడర్ లేడు.. ఉన్నది ఒక్క లోకేష్ బాబే. ఆయన్ని లీడర్‌గా ఎంత మంది యాక్సెప్ట్ చేస్తారనే దానిపై చాలా ప్రశ్నలు తలెత్తుతాయి. వీటితో తెలుగుదేశం పార్టీ భూస్థాపితం అవుతుందనే సంకేతాలైతే అందుతున్నాయి’ అంటూ హాట్ కామెంట్స్ చేశాడు కత్తి మహేష్ .

from Telugu Movie News | Movie News in Telugu | Movie Gossips in Telugu https://ift.tt/2YD2vgL
v