చంద్రబాబు, వైఎస్సార్ స్నేహంపై వెబ్ సిరీస్: మేకర్స్‌కి ‘ప్రస్థానం’ దర్శకుడి వార్నింగ్

ప్రముఖ రాజకీయవేత్తలు, ఉమ్మడి ఆంధ్రప్రదేశ్ మాజీ ముఖ్యమంత్రులు నారా చంద్రబాబు నాయుడు, వై.ఎస్. రాజశేఖర్ రెడ్డి ఒకప్పుడు స్నేహితులు అనే సంగతి తెలిసిందే. రాజకీయాల్లో ఎదుగుతున్నప్పుడు స్నేహితులుగా ఉన్న వీరు ఆ తరవాత భిన్న ఎజెండాలతో రాజకీయ శత్రువులుగా మారారు. ఈ కథను ఆధారంగా చేసుకుని ఒక పొలిటికల్ డ్రామాను రూపొందిస్తున్నారనే ప్రచారం ప్రస్తుతం ఇండస్ట్రీలో జరుగుతోంది. పొలిటికల్ వెబ్ సిరీస్ ‘చదరంగం’ను రూపొందించిన రాజ్ ఈ వెబ్ సిరీస్‌కు దర్శకత్వం వహిస్తారని అంటున్నారు. అలాగే, తిరుమల్ రెడ్డి, విష్ణు వర్ధన్ ఇందూరి ఈ ప్రాజెక్ట్‌కు నిర్మాతలుగా వ్యవహరిస్తారని టాక్. అయితే, ఈ వార్తలపై ‘ప్రస్థానం’ దర్శకుడు దేవా కట్ట స్పందించారు. ఈ కథపై సినిమా కానీ, వెబ్ సిరీస్ కానీ తీసే అధికారం ఎవ్వరికీ లేదని అన్నారు. అలా చేస్తే కాపీరైట్‌ను ఎదుర్కోవాల్సి ఉంటుందని హెచ్చరించారు. వైఎస్సార్, సీబీఎన్ రాజకీయ జీవితంపై 2017లోనే తాను స్క్రిప్ట్ రాశానని, ఈ కల్పిత కథను కాపీ రైట్స్ యాక్ట్ కింద రిజిస్టర్ కూడా చేయించానని దేవా కట్ట ట్విట్టర్ ద్వారా వెల్లడించారు. 2017 నుంచి పలు వెర్షన్లలో స్క్రిప్ట్‌ను రిజిస్టర్ చేయించానని, తన ఐడియాను ఇప్పుడు కొంత మంది హైజాక్ చేశారని ఆరోపించారు. తన కథను కాపీ చేస్తే న్యాయపరమైన చర్యలు ఎదుర్కోవాల్సి ఉంటుందని హెచ్చరించారు. Also Read: ‘గాడ్‌ఫాదర్’ స్ఫూర్తితో స్క్రిప్ట్‌ను మొదట మూడు భాగాలుగా రాసుకున్నానని చెప్పిన దేవా కట్ట.. ఆ తరవాత దాన్ని వెబ్ సిరీస్ ఫార్మాట్‌లోకి మార్చానని పేర్కొన్నారు. తన టీమ్ ఈ ఐడియాను ప్రముఖ ఓటీటీ ప్లాట్‌ఫాంలకు ఇప్పటికే చెప్పిందని అన్నారు. కాబట్టి, ప్రస్తుతం వస్తోన్న వార్తలపై తమ లీగల్ టీమ్ క్లోజ్‌గా ఫాలో అవుతుందని స్పష్టం చేశారు. అయితే, దేవా కట్ట ఇక్కడితో ఆగలేదు. ప్రస్తుతం ఈ వెబ్ సిరీస్ తీస్తోన్న వ్యక్తి గతంలో కూడా తన ఐడియాను కాపీ కొట్టాడని ఆరోపించారు. Also Read: ‘‘గతంలో ఇదే వ్యక్తి నా మరో స్క్రిప్ట్‌ను దొంగిలించాడు. ఆ స్క్రిప్ట్‌తో ఒక డిజాస్టర్ తీశాడు. ఈసారి మాత్రం వైఎస్సార్ గారు, సీబీఎన్ గారిపై ఉన్న గౌరవంతో రాసుకున్న స్క్రిప్ట్‌ను ఆయనకు వదిలేయను’’ అని ట్వీట్‌లో పేర్కొన్నారు దేవా కట్ట. అయితే, దేవా కట్ట అన్నది దర్శకుడు రాజ్‌‌ను అని చాలా మంది అనుకున్నారు. మళ్లీ దీనిపై కూడా ఆయన వివరణ ఇచ్చాను. తాను అన్నది డైరెక్టర్ రాజ్‌ గురించి కానీ, ‘చదరంగం’ వెబ్ సిరీస్ గురించి కానీ కాదని అన్నారు. తను మాట్లాడింది నిర్మాత విష్ణు వర్ధన్ ఇందూరి, ఎన్టీఆర్ బయోపిక్ గురించి అని బాంబ్ పేల్చారు.

from Telugu Movie News | Movie News in Telugu | Movie Gossips in Telugu https://ift.tt/30LKsqb
v