వివాదాలకు మారుపేరు అయిన వివాదాస్పద దర్శకుడు రామ్ గోపాల్ వర్మకు ప్రస్తుతం గడ్డుకాలం నడుస్తోంది అనిపిస్తోంది. ఎందుకంటే అంతా ఓకేసారి మూకుమ్మడి దాడి మొదలుపెట్టారు. ఇంతకాలం ఎవరిని పడితే వాళ్లను గిల్లిన వర్మను ఇప్పుడు వీరంతా గిల్లుతున్నారు. అది కూడా సేమ్ టు సేమ్ వర్మ స్టైల్లోనే. ఒకప్పుడు వర్మ సినిమా అంటే క్రియేటివిటీకి మారుపేరు.. ఇప్పుడు కాంట్రవర్సీకి కేరాఫ్ అడ్రస్. తన సినిమా బిజినెస్ కోసం ప్రతి ఒక్కరినీ గిల్లుతూ బురదజల్లుతున్నారనే అపవాదు వర్మపై పడిపోయింది. అయితే, అందరినీ గిల్లుతోన్న వర్మకు కౌంటర్ ఇస్తూ ప్రముఖ సినీ గేయ రచయిత జొన్నవిత్తుల ఒక సినిమాను మొదలుపెట్టిన సంగతి తెలిసిందే. గతంలో వీరిద్దరి మధ్య జరిగిన మాటల యుద్ధం నేపథ్యంలో జొన్నవిత్తుల ఈ నిర్ణయం తీసుకున్నారు. ఈ సినిమాకు ‘ - రోజూ గిల్లే వాడు’ అని టైటిల్ పెట్టారు. ఈ సినిమాలోని టైటిల్ సాంగ్ లిరికల్ వీడియోను శుక్రవారం సాయంత్రం చిత్ర యూనిట్ విడుదల చేసింది. ‘ఓడ్కా మీద ఒట్టు నేన్ బాడ్కోవ్ నా కొడ్కుని’ అంటూ సాగే ఈ పాట కాస్త వివాదాస్పదంగానే ఉంది. Also Read: ఈ పాట ద్వారా వర్మ మీద ఉన్న కసి మొత్తాన్ని తెలియజేశారు జొన్నవిత్తుల. ఎందుకంటే ఈ పాటను ఆయనే స్వయంగా రాశారు. ఎప్పుడూ సరళమైన పదాలతో పాటలు రాసిన జొన్నవిత్తుల ఈసారి పక్కా నాటు, కటువ పదాలతో ఈ పాటను రాశారు. రామ్ గోపాల్ వర్మ వ్యక్తిత్వాన్ని తన స్టైల్లో ఎండగట్టారు. ఈ పాటను రేవంత్ ఆలపించారు. గిన్నిస్ బుక్ ఆఫ్ రికార్డ్స్లోకి ఎక్కిన వీణాపాణి సంగీతం సమకూర్చారు. ‘కార్తికేయ’ చిత్ర నిర్మాత వెంకట శ్రీనివాస్ బొగ్గరం సమర్పణలో మాగ్నస్ సినీప్రైమ్ పతాకంపై బాల కుటుంబరావు పొన్నూరి ఈ చిత్రాన్ని నిర్మిస్తున్నారు. జొన్నవిత్తుల రామలింగేశ్వరరావు దర్శకత్వం వహిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2OVDW9z
v
No comments:
Post a Comment