టాలీవుడ్ యంగ్ హీరో ఓ ఇంటివాడైన సంగతి తెలిసిందే. వేద మంత్రాల నడుమ అగ్ని సాక్షిగా తన ప్రియురాలు షాలిని మెడలో మూడు ముళ్లేశారు నితిన్. కరోనా మహమ్మారి విలయతాండవం కారణంగా ప్రభుత్వ నిబంధనలకు అనుగుణంగా అతి కొద్దిమంది సన్నిహితుల సమక్షంలో హైదరాబాద్లోని ఫలక్నుమా ప్యాలస్లో వీరి వివాహం జరిగింది. ప్రస్తుతం నితిన్- షాలిని మ్యారేజ్ ఫొటోస్ సోషల్ మీడియాలో వైరల్ అవుతున్నాయి. పలువురు సెలబ్రిటీలు సోషల్ మీడియా వేదికగా నితిన్కి శుభాకాంక్షలు తెలుపుతున్నారు. ఈ క్రమంలోనే మరో యంగ్ ఆసక్తికర ట్వీట్ పెట్టి ఆకట్టుకున్నారు. నవ దంపతుల ఫోటో షేర్ చేస్తూ.. ''నితిన్ భయ్యా.. కొత్త జర్నీ ప్రారంభించిన నీకు ప్రత్యేక శుభాకాంక్షలు. మీ జోడీ చూడముచ్చటగా ఉంది. జీవితాంతం మీరు సంతోషంగా ఉండాలని కోరుకుంటున్నా. కాకపోతే నువ్వు పార్టీ బాకీ ఉన్నావ్! నిన్ను వదిలేదే లేదు.. కరోనా తర్వాత పార్టీ చేసుకుందాం'' అని పేర్కొన్నాడు. ఇటీవలే పెళ్లి చేసుకున్న నిఖిల్ కాస్త వెరైటీగా స్పందించడంతో ఈ ట్వీట్ అందరినీ ఆకర్షిస్తోంది. మరోవైపు నితిన్ కూడా తన ప్రేయసి షాలిని తాళి కడుతున్న పిక్స్ షేర్ చేస్తూ.. ''మొత్తానికి ఇంటివాడినయ్యాను. మీ అందరి ఆశీర్వాదం ఉండాలి'' అని ట్వీట్ చేశారు. ఆదివారం రాత్రి జరిగిన నితిన్ వివాహ వేడుకలో తెలుగు సినీ పరిశ్రమ నుంచి వరుణ్ తేజ్, సాయి ధరమ్ తేజ్, కార్తికేయ హాజరయ్యారు. అలాగే, తెలంగాణ రాష్ట్ర మంత్రులు తలసాని శ్రీనివాస్ యాదవ్, శ్రీనివాస్ గౌడ్, మాజీ ఎంపీ కవిత, పలువురు టీఆర్ఎస్ నేతలు హాజరై నూతన వధూవరులను ఆశీర్వాదించారు.
from Telugu Movie News | Movie News in Telugu | Movie Gossips in Telugu https://ift.tt/2EpcvTN
v
No comments:
Post a Comment