మీరా చోప్రాపై అసభ్యకరమైన కామెంట్స్ చేసిన ఫ్యాన్స్పై చర్యలకు సిద్ధమైంది జాతీయ మహిళా కమీషన్. వీరి జోక్యంతో వివాదం మరింత ముదిరింది. మీరా చోప్రాను వేశ్య, పోర్న్ స్టార్ అంటూ అసభ్యకరమైన రీతిలో ఆమెను రేప్ చేస్తామని బెదిరించిన ఎన్టీఆర్ ఫ్యాన్స్పై చర్యలు తీసుకోవాలని సైబర్ క్రైమ్ పోలీసుల్ని ఆశ్రయించిదామె. తనపై నీఛమైన కామెంట్స్ చేస్తూ గ్యాంగ్ రేప్, యాసిడ్ దాడి, హత్య చేస్తాం అని బెదిరించిన ఎన్టీఆర్ ఫ్యాన్స్తో తనకు ముప్పు ఉందన్నారు . తన ప్రతిష్ఠకు భంగం కలిగించి.. తన శరీరభాగాలపై జుగుప్సాకరమైన కామెంట్స్ చేసిన ఎన్టీఆర్ ఫ్యాన్స్ సోషల్ మీడియా అకౌంట్ల వివరాలతో పాటు వాళ్లు ఎలాంటి కామెంట్స్ చేశారో తెలియజేస్తూ వాటి స్క్రీన్ షాట్స్ను సోషల్ మీడియాలో షేర్ చేసింది మీరా చోప్రా. ఈ సందర్భంగా తనను మానసిక వేదనకు గురిచేస్తూ అసభ్యకరంగా దూషించిన వారిపై క్రిమినల్ చర్యలు తీసుకోవాలని హైదరాబాద్ పోలీసులు, సైబర్ క్రైమ్లో ఫిర్యాదు చేసింది మీరా చోప్రా. అసలు వివాదం ఏంటి? ఎన్టీఆర్ ఫ్యాన్స్తో గొడవ ఏంటి?? బంగారం, వాన, గ్రీకువీరుడు తదితర చిత్రాల్లో నటించిన మీరా చోప్రా ఈ మధ్య కాలంలో సినిమాల్లో యాక్టివ్గా లేనప్పటికీ సోషల్ మీడియాలో యాక్టివ్గా ఉంటుంది. ఈ సందర్భంగా తెలుగులో మీ అభిమాన హీరో ఎవరని ఆమెను ఓ నెటిజన్ ప్రశ్నించగా.. మహేష్ బాబు అని చెప్పడమే ఈ వివాదానికి కారణమైంది. ఎన్టీఆర్ గురించి మరో నెటిజన్ అడగ్గా.. తాను ఎన్టీఆర్ ఫ్యాన్ని కాదని ఆయనకంటే మహేష్ బాబు అంటేనే ఎక్కువ ఇష్టం అని బదులిచ్చింది. దీంతో ఎన్టీఆర్ ఫ్యాన్స్ ఆగ్రహం కట్టలు తెంచుకుంది. వేరే హీరో ముందు తమ హీరోని తక్కువ చేసి మాట్లాడటం తట్టుకోలేకపోయిన ఎన్టీఆర్ ఫ్యాన్స్.. మీరా చోప్రాపై దారుణమైన కామెంట్స్ పెడుతూ ఆమెను వేశ్య, పోర్న్ స్టార్, గ్యాంగ్ రేప్ చేస్తాం అంటూ ఆమె శరీరభాగాలపై నీఛమైన కామెంట్తో ట్రోల్ చేశారు. దీంతో ఇటువంటి అభిమానులతో మీరు సక్సెస్ అయినట్లు భావిస్తున్నారా? అని ఎన్టీఆర్ ప్రశ్నిస్తూ ఆయన్ని ట్యాగ్ చేసింది మీరా చోప్రా. దీంతో మరింతగా రెచ్చిపోయిన ఎన్టీఆర్ ఫ్యాన్స్ ఆమెపై అసభ్యకరమైన రీతిలో పోస్ట్లో పెట్టడంతో ఈ వివాదం పోలీసుల వరకూ వెళ్లింది. అయితే ఇలాంటి ఇష్యూస్లో ముందుండి తన వాయిస్ వినిపించే సింగర్ చిన్మయి సలహా మేరకు సైబర్ క్రైమ్ని ఆశ్రయించారు మీరా చోప్రా. సోషల్ మీడియాలో ఆమెను ఎలాంటి బూతులు తిట్లారో చెప్తూ వాటి స్క్రీన్ షాట్ పెట్టడంతో ఆమెకు మహిళల నుంచి మద్దతు లభించడంతో ఈ ట్రోల్స్ని తీవ్రంగా పరిగణించింది మీరా చోప్రా. జాతీయ మహిళా కమీషన్, సైబర్ క్రైమ్ పోలీసులు ఇన్వాల్వ్ కావడంతో మీరా చోప్రాని దూషించిన వారిపై కేసులు నమోదు చేసి జైలుకు పంపడం ఖాయంగానే కనిపిస్తోంది. అయితే ఈ వివాదంపై ఎన్టీఆర్ స్పందించాలని మీరా చోప్రా ట్విట్టర్ వేదికగా కోరింది. మరి ఎన్టీఆర్ స్పందన ఎలా ఉంటుందో చూడాలి.
from Telugu Movie News | Movie News in Telugu | Movie Gossips in Telugu https://ift.tt/2BoS6fW
v
No comments:
Post a Comment