విక్టరీ హీరోగా వస్తోన్న చిత్రం ‘నారప్ప’. ధనుష్ హీరో నటించిన తమిళ సూపర్ హిట్ మూవీ ‘అసురన్’కు ఇది రీమేక్. సురేష్ ప్రొడక్షన్స్, వి క్రియేషన్స్ బ్యానర్లపై సురేష్ బాబు, కలైపులి ఎస్ థాను నిర్మిస్తున్నారు. శ్రీకాంత్ అడ్డాల దర్శకత్వం వహిస్తున్నారు. తమిళ వెర్షన్లో మంజు వారియర్ చేసిన పాత్రను తెలుగులో చేస్తున్నారు. కెరీర్ ప్రారంభంలోనే వినూత్నమైన పాత్రలు చేసి జాతీయ ఉత్తమ నటి అవార్డు కూడా సొంతం చేసుకున్న ప్రియమణి.. ‘నారప్ప’లో సుందరమ్మ అనే డీగ్లామర్ రోల్లో కనిపించనున్నారు. తెలుగు ప్రేక్షకులకు చాలా కాలం పాటు గుర్తుండిపోయే పాత్ర సుందరమ్మ అని చిత్ర యూనిట్ చెబుతోంది. Also Read: కాగా, ఈరోజు (జూన్ 4న) ప్రియమణి పుట్టినరోజును పురష్కరించుకుని సుందరమ్మ లుక్ను విడుదల చేశారు మేకర్స్. ఇలాంటి మరెన్నో వైవిధ్యమైన చిత్రాలు చేస్తూ మరెన్నో పుట్టినరోజులు జరుపుకోవాలని ఆకాంక్షిస్తూ ‘నారప్ప’ టీం శుభాకాంక్షలు తెలియజేసింది. సుందరమ్మ లుక్లో ప్రియమణి కొత్తగా కనిపిస్తున్నారు. పల్లెటూరు మహిళగా ఆమె చాలా చక్కగా సరిపోయారు. ఎండ్ల బండి మీద కూర్చొని ఉన్న సుందరమ్మ లుక్ తెలుగింటి ఆడపడుచును గుర్తుచేస్తోంది. ఇదిలా ఉంటే, ఇప్పటికే చాలా వరకు ‘నారప్ప’ షూటింగ్ను పూర్తిచేశారు. లాక్డౌన్కు ముందు తమిళనాడులో షూటింగ్ జరిపారు. తిరిచందూర్ సమీపంలో ఉన్న తెరికాడులో యాక్షన్ సీక్వెన్స్ను 10 రోజుల పాటు చిత్రీకరించారు. 12వేల ఎకరాల్లో ఉన్న రెడ్ డెసర్ట్ ఆఫ్ తమిళనాడుగా పిలిచే ఈ ఎడారిలో చేసిన యాక్షన్ సీక్వెన్స్ సినిమాకే హైలైట్ అవుతుందని ఇప్పటికే చిత్ర యూనిట్ వెల్లడించింది. ఈ చిత్రంలో వెంకటేష్ కూడా ఎప్పుడూ చూడని లుక్లో కనిపించనున్నారు. ఇప్పటికే విడుదలైన ఆయన లుక్స్ విపరీతంగా ఆకట్టుకున్నాయి. Also Read: ఈ సినిమాకు మెలోడి బ్రహ్మ మణిశర్మ సంగీతం సమకూరుస్తున్నారు. శ్యామ్ కె. నాయుడు సినిమాటోగ్రఫీ అందిస్తున్నారు. మార్తాండ్ కె. వెంకటేష్ ఎడిటర్. పీటర్ హెయిన్స్, విజయ్ యాక్షన్ డైరెక్టర్లు. సిరివెన్నెల సీతారామశాస్త్రి, సుద్దాల అశోక్ తేజ, అనంత శ్రీరామ్, కృష్ణకాంత్, కాసర్ల శ్యాం సాహిత్యం అందించారు. లాక్డౌన్ పూర్తయ్యి షూటింగ్లకు అనుమతులు ఇస్తే తక్కువ మంది స్టాఫ్తో చిత్రీకరణ ప్రారంభించాలని ‘నారప్ప’ యూనిట్ చూస్తోంది.
from Telugu Movie News | Movie News in Telugu | Movie Gossips in Telugu https://ift.tt/3eU6s6F
v
No comments:
Post a Comment