సిద్ధు జొన్నలగడ్డ హీరోగా నటించిన రొమాంటిక్ డ్రామా ‘కృష్ణ అండ్ హిజ్ లీల’ ఎట్టకేలకు గురువారం నెట్ఫ్లిక్స్లో విడుదలైంది. రవికాంత్ పెరెపు దర్శకత్వం వహించిన ఈ సినిమాలో శ్రద్ధా శ్రీనాథ్, సీరత్ కపూర్, షాలిని వాడ్నికట్టి హీరోయిన్లుగా నటించారు. ముక్కోణపు ప్రేమకథా చిత్రంగా తెరకెక్కిన ఈ సినిమాను రానా దగ్గుబాటి సమర్పణలో సురేష్ ప్రొడక్షన్స్, వయాకామ్ 18 మోషన్ పిక్చర్స్, సంజయ్ రెడ్డి సంయుక్తంగా నిర్మించారు. అప్పుడెప్పుడే మొదలైన ఈ సినిమా మొత్తానికి గురువారం విడుదలైంది. ఇదిలా ఉంటే, ఈ సినిమాకు సంబంధించి ఒక ఫొటో ప్రస్తుతం సోషల్ మీడియాలో వైరల్గా మారింది. దీనికి కారణం లిప్ లాక్. ఇదేదో హీరోహీరోయిన్ల మధ్య లిప్ లాక్ అనుకునేరు. దర్శకుడు, హీరో మధ్య లిప్ లాక్. ఆ ఫొటోలో దర్శకుడు రవికాంత్ పెరెపు, హీరో సిద్ధు జొన్నలగడ్డ లిప్ లాక్ పెట్టుకుంటున్నారు. ఈ ఫొటో చూసిన నెటిజన్లు షాక్కు గురవుతున్నారు. అయితే, ఇది సినిమా ప్రచారం కోసం వాడుతోన్న ట్రిక్ అని కొంత మంది విమర్శిస్తున్నారు. ఏదేమైనా ఈ ఫొటో ఇప్పుడు హాట్ టాపిక్. Also Read: కాగా, రవికాంత్ పెరెపు ‘క్షణం’ సినిమాతో దర్శకుడిగా పరిచయమయ్యారు. 2016లో విడుదలైన ఈ సినిమా రవికాంత్కు మంచి గుర్తింపు తెచ్చిపెట్టింది. ఆ సినిమా వచ్చిన నాలుగేళ్లకు ఆయన రెండో సినిమా ‘కృష్ణ అండ్ హిజ్ లీల’ విడుదలైంది. అది కూడా ఓటీటీలో. ఈ సినిమాకు సిద్ధు జొన్నలగడ్డ కో-రైటర్ కావడం విశేషం. నిజానికి ‘క్షణం’ తరవాత ఈ సినిమా చేద్దామని రవికాంత్ అనుకోలేదట. రానా దగ్గుబాటి, వెంకటేష్కు ఆయన మరో కథ చెప్పారట. కానీ, ‘కృష్ణ అండ్ హిజ్ లీల’ కథ రానాకు, సురేష్ బాబుకు నచ్చడంతో వెంటనే దాన్ని నిర్మించేశారట. ఈ విషయాలను ఓ ఇంటర్వ్యూలో రవికాంత్ స్వయంగా చెప్పారు.
from Telugu Movie News | Movie News in Telugu | Movie Gossips in Telugu https://ift.tt/3fYJcVq
v
No comments:
Post a Comment