మధ్యలో మూడేళ్లు.. లేకపోతే ఇప్పటికి 250 సినిమాలు: బాలకృష్ణ

తెలుగు సినిమా ఇండస్ట్రీలో 100 సినిమాలు పూర్తి చేసిన స్టార్ హీరోల్లో నటసింహా నందమూరి ఒకరు. ఒక నటుడికి వారసుడిగా ఇండస్ట్రీలోకి అడుగుపెట్టిన మరో నటుడు 100 సినిమాలు పూర్తిచేయడం ప్రపంచ సినీ చరిత్రలోనే లేదట. అయితే, నందమూరి బాలకృష్ణ ఈ ఘనతను సాధించారు. విశ్వవిఖ్యాత నట సార్వభౌమ నందమూరి తారక రామారావు నటవారసుడిగా ఇండస్ట్రీలోకి అడుగుపెట్టిన బాలకృష్ణ.. నటుడిగా తనను తాను నిరూపించుకుని నందమూరి వారసత్వాన్ని కొనసాగించారు. కోట్లాది మంది అభిమానులను సొంతం చేసుకున్నారు. Also Read: అయితే, నిజానికి తాను ఇంకా ఎన్నో సినిమాలు చేయాల్సిందని.. చదువు కారణంగా చేయలేకపోయానని బాలకృష్ణ తాజాగా ఓ ఇంటర్వ్యూలో చెప్పారు. తన తండ్రి ఎన్టీఆర్ తనను ‘వీడే నా వారసుడు’ అని అంటుండేవారని బాలకృష్ణ వెల్లడించారు. ఇంటర్ పూర్తిచేసిన తరవాత ఏం చేయాలనుకుంటున్నావు అని బాలయ్యను ఎన్టీఆర్ అడిగారట. కానీ, బాలకృష్ణ నుంచి సమాధానం లేదు. మెడిసిన్ ఎంట్రన్స్ రాశావా అనడిగారట. బాలకృష్ణ లేదని చెప్పారట. దీంతో చివరి క్షణంలో తనతో దరఖాస్తు చేయించి ఆ పరీక్ష రాయించారని బాలయ్య తెలిపారు. మొదటి నుంచీ చదువు మీద తనకు పెద్దగా దృష్టి ఉండేది కాదని, దీంతో ర్యాంక్ రాలేదని ఆయన వెల్లడించారు. Also Read: మెడిసిన్ పరీక్షలో ర్యాంక్ రాకపోవడంతో బాలకృష్ణ డిగ్రీలో చేరారట. ఈ డిగ్రీ చదువు పేరిట మూడేళ్లు బయటకు వెళ్లి ఉండకపోతే ఇప్పటికి 250 సినిమాలు పూర్తయ్యేవని బాలయ్య అన్నారు. తన 46 ఏళ్ల కెరీర్‌లో మంచి సినిమాలు ఉన్నాయని.. అలాగే, చెత్త సినిమాలు కూడా ఉన్నాయని బాలకృష్ణ చెప్పారు. తన దృష్టిలో విజయం అనేది దైవ నిర్ణయం మీద ఆధారపడి ఉంటుందని ఆయన అభిప్రాయపడ్డారు. కాగా, జూన్ 10న బాలకృష్ణ 60వ ఏట అడుగుపెడుతున్నారు. దీనిపై ఆయన మాట్లాడుతూ.. తనకు 60 ఏళ్లు వచ్చినట్టు లేదని, మళ్లీ 16 ఏళ్ల వయసుకు వెళ్లినట్టు ఉందని అన్నారు.

from Telugu Movie News | Movie News in Telugu | Movie Gossips in Telugu https://ift.tt/30o2HCa
v