Harish Shankar ‘తినేముందు విస్తరాకు.. తిన్నాక ఎంగిలాకు’.. బండ్ల vs హరీష్ వివాదం ముదిరింది

‘గబ్బర్ సింగ్’ దర్శక,నిర్మాతలు హరీష్ శంకర్, మధ్య వైరం మరింత ముదిరింది. నేను లైఫ్ ఇచ్చా అంటే నేను లైఫ్ ఇచ్చా అంటూ సోషల్ మీడియా వేదికగా దూషించుకుంటున్నారు. ఇటీవల గబ్బర్ సింగ్ సినిమా వచ్చి 8 ఏళ్లు పూర్తైన సందర్బంగా దర్శకుడు స్పందిస్తూ.. పేరు పేరు అందరికీ కృత‌జ్ఞత తెలిపారు. అయితే మెయిన్ గబ్బర్ సింగ్ చిత్రానికి మెయిన్ వికెట్, చిత్ర నిర్మాత బండ్ల గణేష్ పేరు ప్రస్తావించకపోవడంతో బండ్ల గణేష్‌కి కోపం వచ్చింది. సినిమాలు లేక ఇబ్బందుల్లో ఉన్న హరీష్ శంకర్‌కి లైఫ్ ఇస్తే.. ఆయన సంస్కారం మరిచిపోయి మాట్లాడటం దారుణాతి దారుణం అంటూ ఫైర్ అయ్యారు బండ్ల గణేష్. ఇతనో రీమేక్ డైరెక్టర్‌అని సొంతంగా సినిమా తీయడం చేతకాదని.. అతను స్ట్రయిట్ మూవీ తీసి హిట్ కొడితే ఇండస్ట్రీ వదిలేస్తా అంటూ శపథం చేశారు బండ్ల గణేష్. అయితే ఇతని శపథాలు గురించి తెలిసిందే కదా.. అని దర్శకుడు హరీష్ శంకర్ లైట్ తీసుకోలేదు. బండ్ల గణేష్‌కి స్ట్రాంగ్ కౌంటర్ ఇచ్చారు. అతను నాకు లైఫ్ ఇవ్వడం ఏంటి.. తీన్ మార్, ఆంజనేయులు చిత్రాలతో రోడ్డున పడితే నేనే లైఫ్ ఇచ్చానని చెప్పుకోవచ్చు కాని చెప్పుకోను అంటూనే బండ్లకు చురకలేశారు. అయినా క్రెడిబిలిటీ ఉన్నోళ్ల గురించి మాట్లాడొచ్చు కాని.. ఇలాంటి వాళ్ల గురించి మాట్లాడటం వేస్ట్ అంటూ హరీష్ ఫైర్ అయ్యారు. ఇక హరీష్ కౌంటర్‌కి ఎన్ కౌంటర్ అన్నట్టుగా బండ్ల గణేష్ మరో ట్వీట్ వదిలారు. ‘తింటున్నంత సేపు ఇస్తరాకు అంటారు.. తిన్నాక ఎంగిలి ఆకు అంటారు. నీతో అవసరం ఉన్నంత సేపూ.. వరసలు కలిపి మాట్లాడతారు. అవసరం తీరాక లేని మాటలు అంటకడతారు’, ‘శత్రువుకి మన విజయాలే కాదు.. మన పరాజయాలు కూడా తెలియాలి. అప్పుడే మనం వాటిని ఎదురించి నిలబడ్డామో లేదో తెలుస్తోంది’ అంటూ వరుస ట్వీట్లు చేశారు బండ్ల గణేష్. ఈ ట్వీట్స్‌కి బాణం ఎమోజీలను జతచేశారు. అటువైపు నుంచి తిరిగి ఎలాంటి బాణాలు వస్తాయో ఏంటో మరి.

from Telugu Movie News | Movie News in Telugu | Movie Gossips in Telugu https://ift.tt/2zF9goU
v