వెబ్ ఫిల్మ్ ‘రన్’ నుంచి ‘నీవల్లే’ సాంగ్: నవదీప్, పూజిత పొన్నాడ రొమాన్స్

ఓటీటీ ప్లాట్‌ఫామ్స్ వచ్చిన తరవాత సినిమా రంగంలో చాలా మార్పులు వచ్చాయి. థియేటర్‌లోకి వచ్చిన కొద్ది రోజుల్లోనే సినిమాలు ఓటీటీలోకి వచ్చేస్తున్నాయి. అలాగే, ఆయా ఓటీటీ కంపెనీలు స్వయంగా వెబ్ ఫిలింస్‌ను రూపొందిస్తున్నాయి. వీటిని ఒరిజినల్స్ అంటున్నారు. హిందీలో ఇప్పటికే చాలా ఒరిజినల్స్ వచ్చాయి. ఇప్పుడు తెలుగువారి ఓటీటీ ప్లాట్‌ఫామ్ ‘ఆహా’ ఒరిజినల్ ఫిలింగా ‘రన్’ రూపొందింది. నవదీప్, పూజిత పొన్నాడ హీరో హీరోయిన్లుగా నటించిన ఈ సినిమాకు లక్ష్మీకాంత్ చెన్న దర్శకత్వం వహించారు. ఫస్ట్ ఫ్రేమ్ ఎంటర్‌టైన్మెంట్ బ్యానర్‌పై ఈ సినిమాను నిర్మించారు. నాలుగు రోజుల క్రితం ‘రన్’ సినిమా ట్రైలర్‌ను విడుదల చేశారు. ఇప్పుడు ఈ సినిమా నుంచి ‘నీవల్లే’ అనే పాటను రిలీజ్ చేశారు. నరేష్ కుమరన్ స్వరపరిచిన ఈ పాటను చైతన్య ఆలపించారు. పూర్ణాచారి సాహిత్యం అందించారు. పాట చాలా ప్లెజెంట్‌గా ఉంది. లిరిక్స్ బాగున్నాయి. ఇక, ఈ పాటలో భార్యభర్తలుగా ఇంట్లోకి అడుగుపెట్టిన నవదీప్, పూజిత రొమాంటిక్ యాంగిల్‌ను చూపించారు. 2 నిమిషాల 20 సెకెన్ల నిడివి ఉన్న ఈ పాట ఆకట్టుకునేలా ఉంది. Also Read: కాగా, ఈ సినిమాలో వెంకట్, అమిత్, షఫీ, మధు నందన్, భానుశ్రీ, కిరీటి దామరాజు, ముక్తార్ ఖాన్, మనాలి రాథోడ్ తదితరులు నటించారు. మే 29న ఈ సినిమా ‘ఆహా’లో స్ట్రీమింగ్ కానుంది. ఇదో మర్డర్ మిస్టరీ. కొత్తగా పెళ్లైన జంట ఇంట్లో అడుగుపెడతారు. వెంటనే ఆ ఇంట్లో ఓ హత్య జరుగుతుంది. ఆ హత్య ఎవరు చేశారో తెలుసుకునేందుకు పోలీసులు విచారణ చేస్తూ ఉంటారు. పోలీసులు నవదీప్‌ను అనుమానించడం.. నవదీప్ ఆ సమస్య నుంచి తప్పించుకునే ప్రయత్నం చేయడం వంటి అంశాలతో ఈ సినిమా రూపొందింది. ఈ మధ్య సినిమాల్లో పెద్దగా రాణించలేకపోతోన్న నవదీప్.. ఈ వెబ్ ఫిలింతో ఆకట్టుకుంటారో లేదో చూడాలి.

from Telugu Movie News | Movie News in Telugu | Movie Gossips in Telugu https://ift.tt/3c8ooZo
v