పవన్ కళ్యాణ్ పేరెత్తగానే రేణు దేశాయ్.. షాకింగ్ రియాక్షన్.. మీరు సరదానే అంటారు కానీ!!

రేణు దేశాయ్.. హీరోయిన్‌గా, రచయితగా, దర్శకురాలిగా మంచి గుర్తింపు తెచ్చుకుంది. అయితే అంతకన్నా మించి భార్యగానే ఆమెకు విశిష్ట గుర్తింపు వచ్చిందనడంలో అతిశయోక్తి లేదు. పవన్‌ని ప్రేమించి పెళ్లాడిన ఆమె కొన్ని కారణాల వల్ల ఇద్దరు పిల్లలు (అకీరా, ఆధ్య) పుట్టాక విడాకులు తీసుకుంది. దీంతో అప్పటి నుంచి రేణుకి సంబంధించిన అన్ని విషయాలు వైరల్ అవుతూనే ఉన్నాయి. ఈ నేపథ్యంలో రేణుదేశాయ్ ఇంటర్వ్యూ ఇచ్చిందంటే అందులో పవన్ టాపిక్ అనేది కామన్‌గా మారింది. తాజాగా ఈ అంశంపై రియాక్ట్ అవుతూ ఆసక్తికరంగా బదులిచ్చింది . లాక్‌డౌన్ నేపథ్యంలో ఇంటికే పరిమితమైన రేణు దేశాయ్.. పలు మీడియా సంస్థలతో ఆన్‌లైన్‌లో ముచ్చటిస్తూ కొడుకు అకీరా నందన్, కూతురు ఆధ్యలకు సంబంధించిన విషయాలు చెబుతోంది. ఈ క్రమంలో తాజాగా జరిగిన ఓ ఇంటర్వ్యూలో పవన్ కళ్యాణ్ గురించిన ప్రశ్న మరోసారి ఎదుర్కొంది రేణు. ‘పర్సనల్ కాదు కానీ ప్రొఫెషనల్‌గా అడుగుతున్నా.. పవన్ కళ్యాణ్‌తో దర్శకురాలిగా కానీ, ఆయన సినిమాలో నటించే ఛాన్స్ గానీ వస్తే చేస్తారా?’ అని యాంకర్ అడిగిన ప్రశ్నకు సమాధానం చెప్పేందుకు మొరాయించింది రేణు దేశాయ్. ''మీరు ఆయన పేరు తీయకుండా నా ఇంటర్వూస్ చేయరా? మీరు సరదాగా అడిగేసి వెళ్ళిపోతారు. మళ్ళీ ఎవరెవరో ఆర్టికల్స్ రాసి రచ్చ చేస్తారు. నో నో ఇంకేదైనా అడగండి. ఇది మాత్రం వద్దు'' అనేసింది రేణు దేశాయ్. కానీ చివరకు ఎలాగోలా ఆమె వద్ద నుంచి సమాధానం రాబట్టాడు ఆ యాంకర్. మీ వద్ద ఓ రాబరీకి సంబంధించిన మంచి స్టోరీ ఉందని చెప్పారు కదా. అలాంటిదానికి పవర్‌ఫుల్ హీరో ఉంటే బాగుంటుందని ఆ ప్రశ్న వేశాను ఇప్పుడైనా సమాధానం చెప్పండి అని యాంకర్ అనడంతో.. ఆ స్టోరీ ఓ యంగ్‌స్టర్ కోసం ప్రిపేర్ చేసిందని, ఇదో యాక్షన్ థ్రిల్లర్ స్టోరీ అని చెప్పింది రేణు. ఇకపోతే ఇటీవలే పవన్‌తో తాను నటించిన ‘బద్రి’ సినిమా స్టిల్స్ షేర్ చేయడంతో అవి తెగ వైరల్ అయిన సంగతి తెలిసిందే. Also Read:

from Telugu Movie News | Movie News in Telugu | Movie Gossips in Telugu https://ift.tt/2z2lJCF
v