ఫొటోలు: నిరాడంబరంగా నిఖిల్ పెళ్లి.. పాల్గొన్నది వీరే

యూత్‌లో మంచి ఫాలోయింగ్ ఉన్న యంగ్ హీరో నిఖిల్ సిద్ధార్థ. సోషల్ మీడియా ద్వారా అభిమానులతో ఎప్పుడూ టచ్‌లో ఉంటారు. ఆయన పుట్టినరోజు వేడుకనే అభిమానులు ఎంతో గ్రాండ్‌గా జరుపుకుంటారు. అలాంటిది ఇక పెళ్లి అయితే ఎలా ఉంటుంది. అభిమానులకు ప్రత్యేక పాసులు.. వాళ్ల కోసం విందు.. ఇలా చాలా హడావుడే ఉంటుంది. ఇండస్ట్రీకి చెందిన ఎంతో మంది ప్రముఖులు ఈయన పెళ్లికి విచ్చేసేవారు. కానీ ఏం చేస్తాం.. కరోనా వీటన్నింటినీ ఆపేసింది. పెళ్లిని కూడా వాయిదా వేసే ప్రయత్నం చేసింది. కానీ, ఇదే మంచి ముహూర్తం కావడంతో డాక్టర్ పల్లవి వర్మను పెళ్లాడారు నిఖిల్. భీమవరానికి చెందిన తన ప్రేయసి డాక్టర్ పల్లవి వర్మను హీరో నిఖిల్ మే 14న ఉదయం 6 గంటల 31 నిమిషాలను పెద్దల సమక్షంలో హిందూ సంప్రదాయ పద్ధతిలో వివాహం చేసుకున్నారు. ప్రస్తుతం లాక్‌డౌన్ నడుస్తుండటంతో ప్రభుత్వం నిబంధనలకు లోబడి కొద్ది మంది కుటుంబ సభ్యులు, అత్యంత సన్నిహితుల మధ్య వీరి వివాహ వేడుకను జరిపారు. హైదరాబాద్ శివారు షామీర్‌పేటలోని ఓ ప్రైవేటు విల్లాలో నిఖిల్, పల్లవి వర్మల వివాహం జరిగింది. ఇప్పటికే వివాహ వేడుకకు సంబంధించి ఫొటోలు బయటికి వచ్చాయి. అయితే, వధూవరులు కుటుంబ సభ్యులతో దిగిన ఫొటోలను తాజాగా విడుదల చేశారు. ఈ ఫొటోల్లో నిఖిల్, పల్లవి చాలా అందంగా కనిపిస్తున్నారు. సింపుల్‌గా అయినప్పటికీ ఉన్నంతలో ఎంతో అందంగా తమ వివాహాన్ని జరుపుకున్నారు వీరిద్దరూ. నిఖిల్, పల్లవి వర్మల నిశ్చితార్థం ఈ ఏడాది ఫిబ్రవరిలో జరిగింది. ఏప్రిల్ 16న మొదట పెళ్లి తేదీగా నిర్ణయించారు. కానీ, లాక్‌డౌన్ వల్ల వాయిదా పడింది. దీంతో మే 14కు మార్చారు. ఇది కూడా సాధ్యం కాదు అనుకున్నారు. అయితే, తరవాత మంచి ముహూర్తాలు లేకపోవడం ఈ తేదీకే జరిపించేశారు.

from Telugu Movie News | Movie News in Telugu | Movie Gossips in Telugu https://ift.tt/2WXOhWa
v