కరోనా మహమ్మారి కారణంగా సినిమా ఇండస్ట్రీలోని చిన్న నిర్మాతలు బాగా ఇబ్బంది పడుతున్నారు. ఇప్పటికే పూర్తయిన సినిమాలు థియేటర్లలోకి వెళ్లే పరిస్థితి లేకపోవడంతో ఫైనాన్షియర్ల దగ్గర నుంచి తెచ్చిన డబ్బుకు వడ్డీలు కట్టలేక తలబాదుకుంటున్నారు. ఇక చేసేదేమీ లేక డిజిటల్ ప్లాట్ఫాంలలో విడుదల చేయడానికి సిద్ధమవుతున్నారు. తెలుగులో ఇప్పటికే ‘అమృతరామమ్’ సినిమా నేరుగా ఓటీటీలో విడుదలైపోయింది. తమిళంలో జ్యోతిక ప్రధాన పాత్రలో నటించిన ‘పొన్మగల్ వందాల్’ సినిమా ఓటీటీలో విడుదలకు సిద్ధమవుతోంది. ఇప్పుడు అదే బాటలో కీర్తి సురేష్ సినిమా వెళ్తోంది. కీర్తి సురేష్ ప్రధాన పాత్ర పోషించిన చిత్రం ‘పెంగ్విన్’. ‘పేట’ దర్శకుడు కార్తీక్ సుబ్బరాజ్ ఈ సినిమాను సమర్పిస్తున్నారు. ఈశ్వర్ కార్తిక్ దర్శకత్వం వహించారు. కార్తికేయన్ సంతానం, కాల్ రామన్, ఎస్.సోమసేగెర్, కళ్యాణ్ సుబ్రమణియన్ సంయుక్తంగా ఈ చిత్రాన్ని నిర్మించారు. సంతోష్ నారాయణన్ సంగీతం సమకూర్చారు. ఈ వేసవికి ‘పెంగ్విన్’ విడుదల కావాల్సి ఉంది. కానీ, లాక్డౌన్ కారణంగా కుదరలేదు. అందుకే, ఇప్పుడు ఓటీటీలో విడుదల చేస్తున్నారని చెన్నై వర్గాల సమాచారం. Also Read: తమిళం, తెలుగు వర్షన్లను ఒకేసారి విడుదల చేయడానికి అమెజాన్ ప్రైమ్ వీడియోతో నిర్మాతలు ఒప్పందం కుదుర్చుకున్నారని అంటున్నారు. జూన్లో అమెజాన్లో ప్రీమియర్స్ పడనున్నాయని టాక్. కానీ, దీనిపై చిత్ర యూనిట్ ఇంకా స్పందించలేదు. దీనిలో నిజమెంతో తెలియాలంటే అధికారిక ప్రకటన వచ్చేంత వరకు ఆగాల్సిందే. ‘పెంగ్విన్’లో కీర్తి సురేష్ గర్భవతిగా కనిపించనున్నారు. ఆమె చుట్టూనే కథ తిరుగుతుంది. క్రైం థ్రిల్లర్గా ఈ సినిమా తెరకెక్కింది. ఇప్పటికే విడుదలైన టైటిల్ పోస్టర్ విశేషంగా ఆకట్టుకుంది. అందులో కీర్తి సురేష్ ఆకారం పెంగ్విన్ పక్షిలానే ఉండటం విశేషం.
from Telugu Movie News | Movie News in Telugu | Movie Gossips in Telugu https://ift.tt/2WSDGM6
v
No comments:
Post a Comment