దేశంలో కరోనా విజృంభణ కొనసాగుతోంది. ఇప్పటికే కేసుల సంఖ్య 85 వేలకు పైగా నమోదయ్యాయి. మరోపక్క కరోనా కారణంగా విధించిన లాక్డౌన్ కొనసాగుతూనే ఉంది. దీంతో పలు పరిశ్రమలు సహా సినిమా, సీరియల్ షూటింగ్స్ అన్నీ నిలిచిపోయాయి. కొత్త ఎపిసోడ్స్ షూటింగ్స్ లేక సినీ కార్మికులు, చిన్న నటీనటులు ఆర్ధికంగా ఇబ్బందులు పడుతున్నారు. పలువురు సినీ ప్రముఖులు ముందుకొచ్చి నిత్యావసర సరుకులు అందిస్తున్నా ఖర్చులకు డబ్బులు లేక విలవిల్లాడుతున్నారు. ఈ క్రమంలోనే ఓ సీరియల్ నటి మేకప్ మ్యాన్ వద్ద అప్పు తీసుకోవాల్సిన పరిస్థితి వచ్చిందట. ఇప్పటికే జరిగిపోయిన షూటింగ్స్ తాలూకు డబ్బులు ఇవ్వకుండా నిర్మాత చేతులెత్తేయడంతో మేకప్ మ్యాన్ ఆర్ధికంగా సపోర్ట్ చేసి తన సమస్యలో భాగం పంచుకున్నాడని చెబుతూ ఆవేదన చెందింది సీరియల్ నటి . పలు హిందీ సీరియల్స్ చేసిన ఆమెకు షూటింగ్స్ లేకపోవడంతో ఆర్ధిక ఇబ్బంది తలెత్తిందట. దీంతో తనకు రావాల్సిన డబ్బును ఇవ్వమని నిర్మాతను అడిగితే ఆయన స్పందించకపోగా, ఫోన్ కూడా స్విచ్చాఫ్ చేశాడని చెబుతూ ఆవేదన చెందింది సోనాల్ వెంగర్లేకర్. దీంతో చేసేదేం లేక మేకప్ మ్యాన్కి విషయం చెప్పడంతో అతను తన భార్య డెలివరీ కోసం దాచుకున్న సొమ్ము 15 వేల రూపాయలు ఇచ్చాడని చెప్పింది. మేకప్ మ్యాన్ మంచి మనసు చూసి కన్నీటి పర్యంతమయ్యానని పేర్కొంటూ భావోద్వేగ పోస్ట్ చేసింది నటి సోనాల్ వెంగర్లేకర్. Also Read:
from Telugu Movie News | Movie News in Telugu | Movie Gossips in Telugu https://ift.tt/2ZcNSlw
v
No comments:
Post a Comment