వైరల్: చిరు ఎత్తుకున్న ఈ యంగ్ హీరోని గుర్తుపట్టారా? ‘కలికాలం’ నాటిది ఆ ఫొటో

మెగా హీరోలకే కాదు.. మిగతా హీరోలకు మెగాస్టార్ రోల్ మోడల్. ఆయన డాన్స్, యాక్టింగ్, స్టైల్‌ని ఇష్టపడని తెలుగు ప్రేక్షకులు ఉండరు. ఇక యంగ్ హీరోలైతే సందర్భం వచ్చిన ప్రతిసారి మెగాస్టార్‌పై ప్రశంసలు కురిపిస్తూనే ఉంటారు. ఆడియో వేడుకలు, సినిమా ఫంక్షన్లలో ఎంతమంది హీరోలు ఉన్నా.. మెగాస్టార్ ఆ ఫంక్షన్లో ఉన్నారంటూ ఫోకస్ మొత్తం ఆయనపైనే ఉంటుంది. ఇండస్ట్రీ జనాలతో మెగా అభిమానం అందుకుంటున్న మెగాస్టార్ చిరంజీవికి సంబంధించిన ఫొటో విడుదల చేశారు యంగ్ హీరో ఆది. చిన్నప్పుడు మెగాస్టార్ చిరంజీవి.. ఆదిని ఎత్తుకుని అవార్డ్ అందించిన ఫొటోను అభిమానులకు షేర్ చేసి ఆనందాన్ని పంచుకున్నారు ఆది. 1991లో ముత్యాల సుబ్బయ్య దర్శకత్వంలో వచ్చిన ‘కలికాలం’ మూవీ సక్సెస్‌లో భాగంగా.. మెగాస్టార్ చేతుల మీదుగా షీల్డ్ అందుకున్నారు ఆది. చంద్రమోహన్, జయసుధలు ఈ చిత్రంలో హీరో హీరోయిన్లుగా నటించగా.. సాయి కుమార్ కీలకపాత్రలో నటించారు. కాగా ఈ సినిమా 100 రోజుల వేడుకకు మెగాస్టార్ చిరంజీవి ముఖ్య అతిథిగా హాజరయ్యారు ఈ సందర్భంగా... సాయి కుమార్ షీల్డ్‌ను ఆయన కొడుకు ఆదికి అందించారు చిరు. మెడలో గులాబి దండ వేసుకుని ముద్దుగా ఉన్న ఆదిని ఎత్తుకుని మరీ షీల్డ్ అందించారు చిరు. ఈ అరుదైన ఫొటోని ఇన్ స్టాగ్రామ్ ద్వారా షేర్ చేసుకున్నారు ఆది. ప్రస్తుతం ఈ ఫొటో సోషల్ మీడియాలో వైరల్ అవుతోంది.

from Telugu Movie News | Movie News in Telugu | Movie Gossips in Telugu https://ift.tt/3bLi0XE
v