పవన్ కళ్యాణ్‌కు మరోసారి దేవీశ్రీ దరువు.. అదిరిపోయే అప్‌డేట్ ఇచ్చిన డైరెక్టర్

‘సరిగమపదనిసా కరో కరో సర జల్సా’ అంటూ పవర్ స్టార్ పవన్ కళ్యాణ్‌కు మ్యూజికల్ హిట్ అందించిన రాక్‌స్టార్ దేవీశ్రీ ప్రసాద్.. ‘దేకో దేకో గబ్బర్‌సింగ్’ అంటూ మ్యాజిక్ క్రియేట్ చేశారు. పవన్ కళ్యాణ్‌తో కలిసి నాలుగు సినిమాలు చేసిన దేవీశ్రీ.. ప్రతి మూవీకి సూపర్ హిట్ ఆల్బమ్ ఇచ్చారు. ఇప్పుడు మరోసారి పవన్‌తో ఆ మ్యాజిక్‌ను రిపీట్ చేసేందుకు సిద్ధమవుతున్నారు. తన దరువుతో ఫ్యాన్స్‌లో మరోసారి ఆ పాత ఊపు తేనున్నారు. డైరెక్టర్ హరీష్ శంకర్‌తో పవన్ కళ్యాణ్ సినిమా చేయనున్న సంగతి తెలిసిందే. ఈ సినిమాకు దేవిశ్రీ ప్రసాద్ సంగీతం సమకూరుస్తున్నారు. ఈ విషయాన్ని హరీష్ శంకర్ స్వయంగా వెల్లడించారు. హరీష్ శంకర్, పవన్ కళ్యాణ్ కాంబినేషన్‌లో వచ్చిన ‘గబ్బర్‌సింగ్’ మూవీ సరిగ్గా ఎనిమిదేళ్ల క్రితం ఇదే రోజు (2012 మే 11న) విడుదలైంది. సెన్సేషన్ క్రియేట్ చేసింది. వరుస డిజాస్టర్లతో డీలా పడిన పవర్ స్టార్‌ను మళ్లీ ఫాంలోకి తీసుకొచ్చిన సినిమా ఇది. సినిమా ఎంత పెద్ద హిట్ అయ్యిందో దేవీశ్రీ ప్రసాద్ అందించిన ఆల్బమ్ కూడా అంతే పెద్ద హిట్ అయ్యింది. అందుకే, ‘గబ్బర్‌సింగ్’ విడుదలైన రోజే దర్శకుడు హరీష్ శంకర్.. పవన్‌తో చేయబోయే తన తరవాత సినిమా గురించి అప్‌డేట్ ఇచ్చారు. ఈ సినిమాకు దేవీశ్రీ సంగీతం సమకూరుస్తున్నట్టు ట్విట్టర్ ద్వారా ప్రకటించారు. Also Read: ‘‘ఇది ఒక అద్భుతమైన రోజు. 8 సంవత్సాల క్రితం విడుదల తేదీ అంత శక్తివంతమైనది. మేమిద్దం అదే మ్యూజికల్ ఎనర్జీని మరోసారి కలిసి క్రియేట్ చేయడానికి వస్తున్నామని ప్రకటించడానికి ఇంత కన్నా గొప్ప రోజు ఏముంటుంది. పవన్ కళ్యాణ్ 28వ సినిమాకు దేవీశ్రీ ప్రసాద్ సంగీతం సమకూర్చనున్నారు. మేం మళ్లీ వస్తున్నాం.. ఇప్పుడే మొదలైంది’’ అని హరీష్ శంకర్ తన ట్వీట్‌లో పేర్కొన్నారు. అంటే, రెండోసారి పవన్ - హరీష్ శంకర్ - దేవీశ్రీ కాంబో హిట్ కొట్టడానికి వచ్చేస్తోందన్న మాట.

from Telugu Movie News | Movie News in Telugu | Movie Gossips in Telugu https://ift.tt/2YS76Nd
v