రాజమౌళి నిర్ణయం కోసం వేచి చూస్తోన్న చిరు, ప్రభాస్!

యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా రాజమౌళి దర్వకత్వంలో రూపొందుతోన్న భారీ పాన్ ఇండియా మూవీ RRR. వాస్తవానికి ఈ సినిమాను జూలై 31న విడుదల చేయాలని మొదట భావించారు. అయితే, క్వాలిటీ ఔట్‌పుట్ కోసం తమకు మరింత సమయం పడుతుందని, అందుకే విడుదల తేదీని 2021 జనవరి 8కి మారుస్తాన్నామని చిత్ర నిర్మాణ సంస్థ డీవీవీ ఎంటర్‌టైన్మెంట్ ప్రకటించింది. ఎట్టి పరిస్థితుల్లో జనవరి 8న విడుదల చేస్తామని స్పష్టం చేసింది. అయితే, కోవిడ్-19 కారణంగా ఏర్పడిన ఈ విపత్కర పరిస్థితుల్లో సినిమా షూటింగ్‌లన్నీ ఆగిపోయాయి. సినిమాలకు సంబంధించి ఎలాంటి పనులు జరగని పరిస్థితి. ఇప్పటికే 40 రోజులకు పైగా పనులు ఆగిపోయాయి. మరో 20 రోజులు ఇదే పరిస్థితి ఉంటుంది. అంటే, రెండు నెలలు వృథాగా పోయాయి. ఈ నేపథ్యంలో అనుకున్న సమయానికి RRR సినిమాను పూర్తిచేయడం కష్టమే అనే వాదన ఇండస్ట్రీలో బలంగా వినిపిస్తోంది. కచ్చితంగా RRR విడుదల తేదీని మారుస్తారని అంటున్నారు. Also Read: అయితే, RRR విడుదల తేదీ విషయంలో రాజమౌళి, డీవీవీ దానయ్య తీసుకునే నిర్ణయం కోసం సినీ పరిశ్రమలోని స్టార్ హీరోలు ఎదురుచూస్తున్నారని ఇండస్ట్రీ వర్గాలు అంటున్నాయి. చిరంజీవి, ప్రభాస్, నానితో పాటు ఇతర హీరోలు RRR మేకర్స్ ప్రకటన కోసం వేచి చూస్తున్నారట. ఎందుకంటే చిరంజీవి తన సినిమా ‘ఆచార్య’ను సంక్రాంతికి విడుదల చేయాలని చూస్తున్నారు. అలాగే, ప్రభాస్ సైతం సంక్రాంతిని టార్గెట్ చేస్తున్నారట. ఒకవేళ RRR విడుదలను వాయిదా వేస్తే సంక్రాంతికి తమ తేదీలు ఖరారు చేసుకోవాలని చూస్తున్నారట.

from Telugu Movie News | Movie News in Telugu | Movie Gossips in Telugu https://ift.tt/2SEbE5T
v