విజయ్ దేవరకొండ పక్కన హీరోయిన్‌గా నటిస్తా: సింగర్ శ్రావణ భార్గవి

గాయని శ్రావణ భార్గవి గురించి పరిచయం అవసరంలేదు. సింగర్‌గా, డబ్బింగ్ ఆర్టిస్ట్‌గా టాలీవుడ్‌లో తనకంటూ ప్రత్యేక స్థానం ఏర్పరుచుకున్నారు. భర్త హేమచంద్రతో కలిసి టీవీ షోలకు యాంకర్‌గా వ్యవహరించారు. అంతేకాదు, ఆమె రెండు మూడు పాటలు కూడా రాశారు. ‘సప్తస్వరాలు’ అనే టీవీ షోలో పాల్గొనడం ద్వారా శ్రావణ భార్గవి ప్రతిభ ప్రపంచానికి తెలిసింది. ఈ షోకు జడ్జిగా వ్యవహరించిన ఆర్పీ పట్నాయక్‌కు శ్రావణ భార్గవి గాత్రం బాగా నచ్చేసింది. దీంతో ఆమెను రమణ గోగులకు ఆర్పీ పరిచయం చేశారు. రమణ గోగుల నిర్మించిన ‘బోణీ’ చిత్రంతో ప్లేబ్యాక్ సింగర్‌గా శ్రావణ భార్గవి కెరీర్ మొదలైంది. అయితే, ‘సింహా’లోని ‘సింహమంటీ చిన్నోడే వేటకొచ్చాడే’ పాట శ్రావణ భార్గవికి మంచి పేరు తీసుకొచ్చింది. ఇదిలా ఉంటే, శ్రావణ భార్గవి మంగళవారం ‘హలో’ యాప్‌లో లైవ్ నిర్వహించారు. ఈ లైవ్ ఇంటర్వ్యూలో ఆమె చాలా విషయాలు పంచుకున్నారు. మంచి ఫోక్ సాంగ్స్ పాడి ఉర్రూతలూగించారు. అయితే, ‘మీ కెరీర్‌లో ఏ పాట పాడినప్పుడు ఇది కొంచెం కష్టం అని అనిపించింది’ అని యాంకర్ అడిగారు. ‘సన్ ఆఫ్ సత్యమూర్తి’ సినిమాలోని ‘సూపర్ మచ్చి’ పాట పాడటానికి తాను చాలా కష్టపడ్డానని శ్రావణ భార్గవి చెప్పారు. దాని వెనుకున్న కథ కూడా వివరించారు. Also Read: ఈ పాట పాడటానికి చెన్నైలోని డీఎస్పీ స్టూడియోకి వెళ్లారట. అప్పటికి శ్రావణ భార్గవి జ్వరం, డీహైడ్రేషన్‌తో బాధపడుతున్నారట. అయితే, ఇది మంచి అవకాశం కావడంతో మిస్ చేసుకోకూడదని వెళ్లారట. సూపర్ మచ్చి పాట బాగా హై పిచ్‌లో పాడాలి.. దీంతో జ్వరం కారణంగా గొంతు ఇబ్బంది పెట్టినా కష్టపడి పాడారట. అయితే, తనకు జ్వరం వచ్చినట్టు సంగీత దర్శకుడు దేవీశ్రీ ప్రసాద్‌కు చెప్పలేదని శ్రావణ భార్గవి అన్నారు. కాగా, ఈ లైవ్‌ ఇంటర్వ్యూలో యాంకర్ అడిగిన పలు ప్రశ్నలకు సమాధానాలు ఇచ్చారు శ్రావణ భార్గవి. వీటిలో రాపిడ్ ఫైర్ క్వశ్చన్స్ చాలా ఆసక్తికరంగా సాగాయి. వీటిలో విజయ్ దేవరకొండ ప్రస్తావన రావడం మరింత ఆసక్తికరం. ✦ టాలీవుడ్‌లో సూపర్ స్టైల్ అంటే ఎవరిది? సమంత. హీరో అయితే విజయ్ దేవరకొండ. ✦ మీరు ఒకవేళ హీరోయిన్‌గా పరిచయం అయితే ఎవరు హీరోగా ఉండాలని కోరుకుంటున్నారు? హేమచంద్ర అని చెప్పకూడదు. చెప్పను. విజయ్ దేవరకొండ అని చెప్తాను. నాకు విజయ్ దేవరకొండ, సాయి పల్లవి అంటే చాలా ఇష్టం. ✦ ఏ సింగర్ యాక్టర్‌గా కూడా ప్రయత్నించొచ్చు అని మీరు అనుకుంటున్నారు. శైలజ గారు. ఆవిడది నేచురల్ యాక్టింగ్. ✦ మీరు ఏ సినిమాకు పిచ్చ ఫ్యాన్? ఇటీవల కాలంలో మీరు ఎంజాయ్ చేసిన సినిమా. కోకో. హిందీలో అయితే ‘తప్పడ్’. ✦ ఒకవేళ మీరు డబుల్ డేట్‌కు వెళ్లాలనుకుంటే మీరు, హేమచంద్ర మరో స్టార్ కపుల్ ఎవరిని ఎంపిక చేసుకుంటారు? అల్లు అర్జున్, స్నేహారెడ్డి. వాళ్ల గురించి పెద్దగా ఏమీ తెలీదు కాబట్టి ఇబ్బంది ఉండదు. ✦ మీకు ఇష్టమైన సింగర్ ఎవరు? చిత్ర గారు అంటే పిచ్చి. హిందీలో అయితే సునిధి చౌహాన్, ఇంగ్లిష్‌లో బియాన్సే, డువా లిపా అంటే ఇష్టం.

from Telugu Movie News | Movie News in Telugu | Movie Gossips in Telugu https://ift.tt/3dXcjaP
v