రానా దగ్గుబాటి గురువారం ఉదయం ట్విట్టర్లో రెండు ఫొటోలను షేర్ చేశారు. తన ప్రేయసి, కాబోయే భార్య మిహీకా బజాజ్తో కలిసి తీసుకున్న ఫొటోలు అవి. ఇద్దరూ సంప్రదాయ దుస్తుల్లో మెరిసిపోతున్నారు. అంతేకాకుండా, ‘అండ్ ఇట్స్ అఫీషియల్’ అని రానా క్యాప్షన్ పెట్టారు. దీంతో ఇవి రానా, మిహీకా నిశ్చితార్థం ఫొటోలు అని అంతా అనుకున్నారు. ఇలా అనుకోవడానికి కారణం కూడా ఉంది. బుధవారం సాయంత్రం 4 గంటలకు రానా, మిహీకాల నిశ్చితార్థం రామానాయుడు స్టూడియోలో జరగనుందని వార్తలు వచ్చాయి. అందుకే, ఈ ఫొటోలు నిశ్చితార్థం ఫొటోలనే చాలా మంది అనుకున్నారు. దీనికి తోడు కొన్ని వెబ్సైట్లు, యూట్యూబ్లో కూడా రానా నిశ్చితార్థం అయిపోయిందని వార్తలు రావడంతో అంతా అదే అనుకున్నారు. కానీ, ఇది నిశ్చితార్థం కాదు. దాని కన్నా ముందే జరిగే రోకా వేడుక. వాస్తవానికి ఈ రోకా వేడుక అంటే తెలుగు ప్రజలకు పెద్దగా తెలియకపోవచ్చు. ఇది ఉత్తర భారత సంప్రదాయం. పెళ్లిని అధికారికంగా నిశ్చయించుకోవడానికి చేసుకునే వేడుక. ‘మా అమ్మాయికి, వారబ్బాయికి పెళ్లి కుదిరింది’ అని వధూవరుల కుటుంబాలు ప్రకటించడమే ఈ రోకా వేడుక. ఇరు కుటుంబాలు తొలిసారి కలుసుకుని పెళ్లి కుదుర్చుకుని స్వీట్స్, గిఫ్ట్స్ అందజేసుకుంటారు. సంప్రదాయ బద్ధంగా పూజా కార్యక్రమాలు నిర్వహించి కాబోయే వధూవరులను ఆశీర్వదిస్తారు. Also Read: ఈ రోకా వేడుకను పెళ్లి కుమారుడు ఇంటి వద్దే నిర్వహిస్తారు. అందుకే, ముంబై నుంచి మిహీకా కుటుంబం ఈ వేడుక కోసం హైదరాబాద్ వచ్చింది. మిహీకాది నార్త్ ఇండియన్ ఫ్యామిలీ కాబట్టి ఆ సంప్రదాయం ప్రకారం రోకా వేడుకను నిర్వహించారు. బాలీవుడ్ హీరోయిన్ ప్రియాంక చోప్రా.. ప్రియుడు నిక్ జోన్స్ని పెళ్లి చేసుకున్న సమయంలో ఈ రోకా వేడుక గురించి బాగా చర్చ జరిగింది. ఇప్పుడు ఈ వేడుకను తెలుగు ప్రజలకు కూడా పరిచయం చేశారు.
from Telugu Movie News | Movie News in Telugu | Movie Gossips in Telugu https://ift.tt/2WQQWlD
v
No comments:
Post a Comment