కాబోయే భార్య చెవిలో రానా గుసగుసలు.. ఫోటో పోస్టు చేసిన మిహీకా

టాలీవుడ్ హీరో రానా పెళ్లి ఫిక్స్ అయిన విషయం తెలిసిందే. మిహీకా బజాజ్‌ను ప్రేమించిన భల్లాలదేవుడు త్వరలోనే... ఆమెను పెళ్లాడనున్నాడు. అయితే వీరిద్దరికి సంబంధించి కుటుంబ పెద్దలు నిర్వహించారు. ఈ వేడుకకు సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి. రానాతో సన్నిహతంగా ఉన్న పలు ఫొటోలను మిహీకా తన ఇన్‌స్టాగ్రామ్‌లో షేర్‌ చేశారు. రోకా ఫంక్షన్‌కు సంబంధించిన కొన్ని ఫోటోలను మిహీకా పోస్టు చేశారు. ఇందులో రానా తన చెవిలో గుసగుసలాడుతున్న ఫొటోను షేర్‌ చేస్తూ.. 'ఇదే నాకు సంతోషాన్నిచ్చేది' అంటూ 3 హర్ట్‌ ఎమోజీలతో నవ్వుతు ఉండే రెండు ఎమోజీలను జత చేసి షేర్‌ చేశారురు. ఇక మిహీకా పోస్టుకు రానా కసిన్ సిస్టర్, హీరో వెంకటేష్‌ కూతురు అశ్రిత దగ్గుబాటి ''పట్టలేనంతా సంతోషంగా ఉంది. నేను అక్కడ లేనన్న విషయాన్ని జీర్ణించుకోలేకపోతున్న. మీ ఇద్దరికి నా పెద్ద హగ్‌'' అంటూ కామెంట్‌ చేశారు. అంతేగాక బాలీవుడ్‌ భామ సోనమ్‌ కపూర్‌ భర్త అనంద్‌ అహుజీ కూడా మిహీక-రానాలకు శుభకాంక్షలు తెలిపాడు. అశ్రితా, మిహీకా, సోనమ్‌ కపూర్‌ స్నేహితులు ఇకపోతే.. రానా మిహీకలకు జరిగింది నిశ్చితార్థం కాదని.. రోకా ఫంక్షన్ అని తెలిసింది. అయితే దీంతో అసలు రోకా అంటే ఏంటి అనే దాని గురించి ఔత్సాహికులు గూగుల్‌లో తెగ సెర్చ్ చేవారు. రోకా అనేది... ఉత్తరాదిన ఉండే సంప్రదాయం. వారి ప్రకారం.. రోకా అంటే నిశ్చితార్థం, పెళ్లి, రిసెప్షన్ వేడుకల గురించి రెండు కుటుంబాలు కలిసి చర్చించుకొనేందుకు కలిసే జరుపుకొనే ఓ వేడుక. ఆ రోజు ఇరు కుటుంబాల మధ్య పరిచయాలు జరుగుతాయి. వారంతా మనసు విప్పి మాట్లాడుకోవడాలు జరిగిపోతాయి. అందుకే నిశ్చితార్థం ముందు ఇలాంటి వేడుకను జరిపి ఇరు కుటుంబాల మధ్య సఖ్యతను పెంపొందిస్తారు. పెళ్లికి ముందే జరిగే రోకా వేడుక విశిష్టత ఇదే.

from Telugu Movie News | Movie News in Telugu | Movie Gossips in Telugu https://ift.tt/3cSkpkY
v