‘దాడి’ ఫస్ట్ లుక్: వాస్తవ ఘటనలతో తెరకెక్కుతోన్న చిత్రం.. భారీ తారాగణం

గీతాంజలి కావ్యాన్ని, జాతీయ గీతాన్ని రచించిన విశ్వకవి రవీంద్రనాథ్ ఠాగూర్ పుట్టినరోజు సందర్భంగా ఆయనను స్మరించుకుంటు ‘దాడి’ సినిమా ఫస్ట్ లుక్‌ను విడుదల చేసింది చిత్ర యూనిట్. రవీంద్రనాథ్ ఠాగూర్ రచనల్లోని భావాలతో ఒక వ్యవస్థని కథగా రాసుకొని ఈ సినిమాను తెరకెక్కిస్తున్నట్టు దర్శక నిర్మాతలు వెల్లడించారు. ‘దాడి’ ఫస్ట్ లుక్ పోస్టర్ ఆసక్తిని రేకెత్తిస్తోంది. ‘‘వాస్తవాలు చాలానే ఉంటాయి, కానీ నిజం ఒక్కటే ఉంటుంది’’ (Facts are many, but the truth is one) అనే రవీంద్రనాథ్ ఠాగూర్ మాటను ఈ ఫస్ట్ లుక్ పోస్టర్‌పై రాశారు. ఈ సినిమాకు మధు శోభ. టి దర్శకత్వం వహిస్తున్నారు. అంతేకాదు.. కథ, స్క్రీన్‌ప్లే, డైలాగ్స్ కూడా ఆయనే అందించారు. శ్రీ కల్పవృక్ష సినీ క్రియేషన్ బ్యానర్‌పై శంకర్.ఎ నిర్మిస్తున్నారు. ఫస్ట్ లుక్ పోస్టర్ విడుదల సందర్భంగా దర్శకుడు మధు శోభ మాట్లాడుతూ.. ‘‘సమాజంలో జరుగుతున్న కొన్ని వాస్తవ సంఘటనలు ఆధారంగా ‘దాడి’ చిత్రాన్ని రూపొందిస్తున్నాం. రవీంద్రనాథ్ ఠాగూర్ జయంతి సందర్భంగా ఈ చిత్ర ఫస్ట్ లుక్ విడుదల చెయ్యడం సంతోషంగా ఉంది. నిర్మాత శంకర్ గారు ఎక్కడా రాజీ పడకుండా ఈ చిత్రాన్ని నిర్మిస్తున్నారు. సినిమా బాగా వస్తోంది. త్వరలో ఈ చిత్రం గురించి మరిన్ని విశేషాలు తెలియజేస్తాం’’ అని చెప్పారు. కాగా, ఈ చిత్రంలో శ్రీరామ్, జీవన్, కమల్ కామరాజు, గణేష్ వెంకట రమణ, ముఖేష్ ఋషి, చరణ్ రాజ్, అజయ్, అజయ్ రత్నం, నాగినీడు, అజయ్ ఘోష్, మధు, అలోక్, రాజా రవీంద్ర, సలీమ్ పాండ, దిల్ రమేష్, సితార ముఖ్య పాత్రలు పోషించారు. ప్రముఖ సంగీత దర్శకుడు మణిశర్మ స్వరాలు సమకూర్చారు. శ్యామ్ కె నాయుడు సినిమాటోగ్రఫీ అందించారు. కోటగిరి వెంకటేశ్వరరావు ఎడిటర్. రాజు సుందరం, శివ శంకర్, శేఖర్ డ్యాన్స్ కొరియోగ్రఫార్లుగా పనిచేశారు. కనల్ కన్నన్, వెంకట్ ఫైట్ మాస్టర్లు. కాసర్ల శ్యామ్, భాష్య శ్రీ సాహిత్యం అందించారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2xNb2nm
v