నటి పేరు చెప్పగానే మనకు గుర్తొచ్చేది ఆమె ముక్కుసూటితనం. ఏ విషయాన్ని అయినా ఆమె నిర్మొహమాటంగా, కుండ బద్దలు కొట్టినట్టు మాట్లాడతారు. అందుకే ఆమెను ఇండస్ట్రీలో ఫైర్ బ్రాండ్గా చెబుతారు. వరలక్ష్మి పెళ్లిపై ఎప్పటి నుంచో రూమర్లు చక్కర్లు కొడుతున్నాయి. విశాల్, వరలక్ష్మి ప్రేమలో ఉన్నారని, పెళ్లి చేసుకుంటారని అప్పట్లో వదంతలు వచ్చాయి. వాటిని వీరిద్దరూ అప్పట్లో ఖండించారు. పెళ్లిపై తనకు ఆసక్తి లేదని, ఒక్క మగాడినే జీవితాంతం ఏం చూస్తామని గతంలో సంచలన వ్యాఖ్యలు చేశారు వరలక్ష్మి. అయినప్పటికీ ఆమె పెళ్లి రూమర్లు ఆగడం లేదు. తాజాగా మరోసారి ఆమె పెళ్లి గురించి మీడియాలో కథనాలు వెలువడ్డాయి. Also Read: వరలక్ష్మి ఒక వ్యాపారవేత్తతో డేటింగ్ చేస్తున్నారని, ఆయనకి ఇండియన్ క్రికెట్ టీమ్తో సంబంధం ఉందని ప్రచారం జరుగుతోంది. త్వరలోనే ఆయన్ని వరలక్ష్మి పెళ్లాడబోతున్నారని, ఆ తరవాత సినిమాలకు ఆమె గుడ్బై చెప్పబోతున్నారని వదంతులు వ్యాపిస్తున్నాయి. ఈ వార్తలపై వరలక్ష్మి స్పందించారు. ఎప్పటిలానే కాస్త అసహనం వ్యక్తం చేశారు. రూమర్లు వ్యాప్తి చేసేవారిపై సెటైర్లు వేశారు. తాను పెళ్లి చేసుకోవడం లేదని స్పష్టం చేశారు. అలానే సినిమాల నుంచి కూడా తప్పుకోవడం లేదని చెప్పారు. Also Read: ‘‘నాకు పెళ్లికాబోతోంది అనే విషయం నాకే చివరిగా ఎందుకు తెలుస్తుంది?? అవే అర్థంపర్థం లేని రూమర్లు. నన్ను పెళ్లిచేసుకోమని అందరూ ఎందుకు పీడిస్తున్నారు. ఒకవేళ నేను పెళ్లిచేసుకుంటే ఇంటి పైకప్పు మీదికి ఎక్కి అరిచి చెబుతా. అప్పుడు మీడియా వాళ్లు దీని గురించి వార్తలు రాయండి. నేను పెళ్లి చేసుకోవడం లేదు. సినిమాల నుంచి తప్పుకోవడం లేదు’’ అని వరలక్ష్మి శరత్కుమార్ ట్వీట్ చేశారు. మొత్తం మీద మరోసారి పెళ్లి రూమర్లకు చెక్ పెట్టారు వరలక్ష్మి. తమిళంలో క్యారెక్టర్ ఆర్టిస్ట్గా బాగా పాపులర్ అయిన వరలక్ష్మీ.. తెలుగులోనూ తన అదృష్టాన్ని పరీక్షించుకుంటున్నారు. ఇప్పటికే ‘తెనాలి రామకృష్ణ బీఏబీఎల్’ ఆమె నటించారు. ఇప్పుడు రవితేజ ‘క్రాక్’లో కీలక పాత్ర పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2zMQrQB
v
No comments:
Post a Comment