సమంత మంచి మనసు: 10 మిలియన్ ఫాలోవర్లు.. 10 ఎన్టీవోలకు విరాళం

సౌత్ ఇండియాలో నటి సమంతకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. తెలుగు రాష్ట్రాల్లో ఆమెకున్న పాపులారిటీ ప్రస్తుతం ఏ హీరోయిన్‌కు లేదంటే అతిశయోక్తి కాదు. అక్కినేని వారి కోడలు అయిన తరవాత సమంతకు మరింత ఫాలోయింగ్ ఏర్పడింది. కేవలం వెండితెరపై మాత్రమే కాకుండా సోషల్ మీడియా ద్వారా కూడా తన అభిమానులను అలరిస్తున్నారు. అయితే, ఇన్‌స్టాగ్రామ్‌లో సమంత అరుదైన మైలురాయిని అందుకున్నారు. ఇన్‌స్టాలో సమంతకు ఇప్పుడు 10 మిలియన్ ఫాలోవర్లు ఉన్నారు. ఈ సందర్భాన్ని సమంత సెలబ్రేట్ చేసుకుంటున్నారు. అయితే, 10 మిలియన్ ఫాలోవర్ల ఫీట్‌ను కేక్ కటింగ్ లాంటి సరదా సెలబ్రేషన్‌లా కాకుండా సమాజానికి ఉపయోగపడే మంచి పని ద్వారా సెలబ్రేట్ చేసుకుంటున్నారు సమంత. 10 మిలియన్ ఫాలోవర్లను సంపాదించుకున్న సందర్భంగా 10 స్వచ్ఛంద సంస్థలకు విరాళాలకు ఇచ్చినట్టు సమంత ప్రకటించారు. హాలీవుడ్ నటి నటాలీ పోర్ట్‌మన్ కూడా ఇలానే చేశారని.. ఆమెను స్ఫూర్తిగా తీసుకుని తాను కూడా చేశానని సమంత వెల్లడించారు. Also Read: ఆశ కుటీర్, లహరి ఓల్డేజ్ హోమ్, డిజైర్ సొసైటీ, వాల్మీకి ఫౌండేషన్, స్పందన సొసైటీ, అక్షయ ట్రస్ట్, భారతమాత సోషల్ సర్వీస్ సొసైటీ, మా ఇల్లు, గుడ్ సమరితన్స్ ఇండియా, నిర్మాణ్ అసోసియేషన్‌లకు విరాళాలు అందజేసినట్టు సమంత తెలిపారు. ఇలాంటి సందర్భాన్ని కూడా ఒక మంచి పనికి ఉపయోగించినందుకు సమంతపై నెటిజన్లు, ఆమె అభిమానులు ప్రశంసల వర్షం కురిపిస్తున్నారు. ఇదిలా ఉంటే, ఇన్‌స్టాగ్రామ్‌లో 10 మిలియన్ ఫాలోవర్లను కలిగి ఉన్న తెలుగు హీరోయిన్లు మరికొంత మంది ఉన్నారు. కాజల్ అగర్వాల్, తమన్నా, రకుల్ ప్రీత్ సింగ్, పూజా హెగ్డేలకు ఇప్పటికే ఇన్‌స్టాలో 10 మిలియన్ ఫాలోవర్లు ఉన్నారు.

from Telugu Movie News | Movie News in Telugu | Movie Gossips in Telugu https://ift.tt/2ZyMB8C
v