‘‘గిల్లడం ఒక భోగం.. గిల్లించుకోవడం ఒక యోగం.. గిల్లలేక పోవడం ఒక రోగం’’ ఇదే వివాదాల దర్శకుడు వర్మ సూత్రం. అందుకే ఎప్పుడూ ఎవర్నొకర్ని ట్వీట్లు, కామెంట్ల రూపంలో గిల్లడం.. ఆ తరువాత ఫ్యాన్స్తో గిల్లించుకోవడం వర్మ సార్కి అలవాటు.. అయితే ఎప్పుడూ ఎదుటి వారిని గిల్లడమే.. ఈసారి వర్మనే నేను గిల్లుతా అంటూ వచ్చారు సినీ గేయ రచయిత జొన్నవిత్తుల. వర్మ-జొన్నవిత్తుల మధ్య మాటల యుద్ధం నేపథ్యంలో అందర్నీ గిల్లే వర్మపై సినిమా తీస్తా అంటూ సవాల్ చేశారు జొన్నవిత్తుల అన్నట్టుగానే.. ఈ సినిమాకు ‘’ (అందర్నీ గిల్లే వర్మ) అని నామకరణం చేసి షూటింగ్ పట్టాలెక్కించారు. తాజాగా ఈ మూవీ టైటిల్తో పాటు ట్యాగ్లైన్ విడుదల చేశారు జొన్న విత్తుల. ఈ చిత్రంలో సురేష్, శ్రద్ధాదాస్, అమిత్, పునర్నవి భూపాలం, తేజ కీలక పాత్రలు పోషిస్తుండగా.. బాల కుటుంబరావు నిర్మాతగా వ్యవహరిస్తున్నారు. అందరి బయోపిక్లు తనకు నచ్చినట్టుగా తీసి వివాదాలు రాజేసే వర్మ జీవిత చరిత్రపైనే సినిమా తీసి వర్మతో ఢీ కొడుతున్నారు జొన్నవిత్తుల. ఈ సందర్భంగా టైటిల్లోగోను విడుదల చేస్తూ.. ‘తా చెడ్డ కోతి వనమెల్లా చెరిచినట్లు తన పిచ్చి ఇజంతో యువతను పెడత్రోవ పట్టిస్తున్న ఒక వ్యక్తి ఫిలాసఫీ మీద సంధించిన ఈ రామబాణమే ఈ సినిమా’ అంటూ వర్మను పేరు ప్రస్తావించకపోయినప్పటికీ తన బాణం వర్మ మీదే అని ‘RGV’ (అందర్నీ గిల్లే వర్మ) అని చెప్పకనే చెబుతున్నారు జొన్నవిత్తుల. మరి చూడాలి ఈ జొన్నవిత్తుల ‘RGV’పై అసలు ‘RGV’ స్పందన ఎలా ఉంటుందో.
from Telugu Movie News | Movie News in Telugu | Movie Gossips in Telugu https://ift.tt/3bLjguz
v
No comments:
Post a Comment