చిరు ‘CCC’ ముందడుగు.. ఇంటింటికీ నిత్యావసరాలు, మందులు

కరోనా వైరస్ విజృంభినతో టాలీవుడ్ ఇండస్ట్రీకి కోలుకోలేని దెబ్బ తగిలింది. వేలాది మంది కార్మికులు, కళాకారులు తిండిలేక ఇబ్బందులు పడుతున్నారు. వీరికి ఆదుకునేందుకు తెలుగు చిత్ర పరిశ్రమ నడుం బిగించింది. మెగాస్టార్ సారథ్యంలో సినీ పెద్దలందరూ కలిసి ‘మనకోసం’ పేరిట కరోనా క్రైసిస్ ఛారిటీని ఏర్పాటుచేసి విరాళాలు సేకరిస్తున్న విషయం తెలిసిందే. ఇప్పటికే ఈ ఛారిటీకి దాదాపు ఏడుకోట్లు మేర విరాళాలు అందటంతో మరో ముందడుగు వేసింది సీసీసీ. ఈ సందర్భంగా సీసీసీలో సభ్యులుగా ఉన్న తమ్మారెడ్డి, దర్శకుడు ఎన్ శంకర్‌లు తాము పేద కళాకారులకు ఏవిధంగా సాయం చేయబోతున్నామన్న విషయాలను తెలియజేశారు. హైద‌రాబాద్‌లో జ‌రిగిన సీసీసీ కార్య‌క్ర‌మల గురించి ప్రముఖ దర్శక నిర్మాత త‌మ్మారెడ్డి భ‌ర‌ద్వాజ మాట్లాడుతూ.. ‘కార్మికుల‌కు మంచి జ‌ర‌గాల‌ని చిరంజీవి గారు వెంట‌నే స్పందించి సేవ‌కు ముందుకొచ్చారు. వెంట‌నే సీసీసీ ట్ర‌స్ట్ ని ప్రారంభించారు. దీనికి స్పందించిన సెల‌బ్రిటీలంతా చారిటీకి విరాళాలు పంపారు. బ్యాంకుల‌కు సెల‌వుల కారణంగా విరాళాలు ప్రకటించిన మనీ ట్రాన్స్ఫర్ ఈరోజు నుంచి వస్తున్నాయి. నిత్యావసర సరుకులు అన్ని పూర్తిగా సిద్ధం చేసుకుని మేమే కార్మికుల ఇంటింటికి వెళ్లి సాయం అందిస్తాం. అలాగే అపోలో ఫార్మ‌సీ నుంచి రూ.500-1000 వ‌ర‌కూ ప్రిస్కిప్షన్ ఉంటే మందులు పంపిస్తారు. ఆ సాయానికి వారికి ధ‌న్య‌వాదాలు. ఇక సీసీసీ టెంప‌ర‌రీ గా కాకుండా ప‌ర్మినెంట్ గా ఇలాంటి స‌మ‌యాల్లో సాయం అందించ‌నుంది. సీసీసీ త‌ర‌పున కార్మికుల‌కు సాయం చేయాల‌నీ భ‌విష్య‌త్ లోనూ సీసీసీ చారిటీ కొన‌సాగించేలా ప్ర‌ణాళిక రూపొందిస్తున్నాం. ఇక ట్ర‌స్ట్ నుంచి వ‌చ్చే డ‌బ్బుల్ని అవ‌స‌రార్థుల‌కు వెంట‌నే అంద‌జేస్తున్నాం. ఎన్.శంక‌ర్ సార‌థ్యంలో ఇప్ప‌టికే జాబితాలు సిద్ధ‌మ‌వుతున్నాయి’ అన్నారు. అలాగే ద‌ర్శ‌క‌సంఘం అధ్య‌క్షుడు ఎన్.శంక‌ర్ మాట్లాడుతూ.. ‘మ‌రో మూడు రోజుల్లోనే నిత్యావ‌స‌రాలు రెడీ అయిపోతాయి. ముందుగా సినిమా ఇండస్ట్రీలో ఉన్న అసోసియేషన్స్ వారు తెలిపిన నిరుపేద సినీ కార్మికులకు నిత్యావసర సరుకులు ఇవ్వడం జరుగుతుంది ఆ తర్వాత అవసరం ఉన్న కార్మికులకు ఇవ్వడం జరుగుతుంది. ఎవరికైతే నిత్యావసర సరుకులు అవసరమనుకున్న కార్మికులంద‌రూ వెంట‌నే సంప్ర‌దించండి. వివ‌రాల్ని అందిస్తే వారికి వెంట‌నే స‌రుకులు అందిస్తాం. ఇది ఆలస్యం కాకూడదని ఈనెల ఐదో తారీకు ఆదివారం నుంచి డోర్ డెలివరీ స్టార్ట్ అవుతుంది. అలాగే నిత్యవసర మందులు కోసం ఇబ్బంది పడుతున్న వారి కోసం మెగాస్టార్ చిరంజీవి గారు రామ్ చరణ్ మరియు ఉపాసన గారితో మాట్లాడి అపోలో ద్వారా మీ ఇంటికి మెడిసిన్స్ పంపించే ఏర్పాటు కూడా చేయడం జరిగింది. సభ్యులకు 500 నుంచి 1000 రూపాయలు విలువచేసే మందులు ఇవ్వడానికి కూడా అపోలో వారు ఆమోదించడం జరిగింది. సినిమా ఇండస్ట్రీలో మీరు ఏ అసోసియేషన్స్ లో ఉన్నారో ఆ నాయకుడికి మీ ఇబ్బందులను తెలియజేస్తే వారి ద్వారా మీకు మీ సహాయ సహకారాలు అందించడం జరుగుతుంది. నిజంగా ఎవరైతే బాగా ఆర్థిక ఇబ్బందులతో బాధపడుతున్నారు వారికి మీ అసోసియేషన్ ద్వారా ఇవ్వడం జరుగుతుంది. ఇది నిరంత‌ర సేవ‌. అవసరమైన అంద‌రికీ ఈ సేవ‌లు అందుతాయి. నిత్యావ‌స‌రాలు కావాల‌నుకునేవారికి నేరుగా డోర్ డెలివ‌రీ అందించేందుకు సిద్ధ‌మ‌వుతున్నాం. మీరు ఇండ్ల‌లోనే ఉండి .. క‌రోనాపై పోరాడండి’ అని అన్నారు. కరోనా క్రైసిస్ ఛారిటీకి విరాళాలు ఇచ్చినవారి పూర్తి వివరాలు ✦ చిరంజీవి - కోటి రూపాయలు ✦ నాగార్జున - కోటి రూపాయలు ✦ ప్రభాస్ - రూ.50 లక్షలు ✦ రామ్ చరణ్ - రూ. 30 లక్షలు ✦ నాని - రూ. 30 లక్షలు ✦ మహేష్ బాబు- రూ. 25 లక్షలు ✦ ఎన్టీఆర్ - రూ. 25 లక్షలు ✦ బాలకృష్ణ - రూ. 25 లక్షలు ✦ నాగచైతన్య - రూ. 25 లక్షలు ✦ అల్లు అర్జున్ - రూ. 20 లక్షలు ✦ వరుణ్ తేజ్ - రూ. 20 లక్షలు ✦ రవితేజ - రూ. 20 లక్షలు ✦ శర్వానంద్ - రూ. 15 లక్షలు ✦ శ్రీ వెంకటేశ్వర క్రియేషన్స్ - రూ. 10 లక్షలు ✦ యూవీ క్రియేషన్స్ - రూ. 10 లక్షలు ✦ సాయిధరమ్ తేజ్ - రూ. 10 లక్షలు ✦ విశ్వక్ సేన్ - రూ. 5 లక్షలు ✦ దర్శకుడు సంపత్ నంది- రూ. 5 లక్షలు ✦ శ్రీకాంత్ - రూ. 5 లక్షలు ✦ శ్రీమిత్ర చౌదరి - రూ. 5 లక్షలు ✦ సుశాంత్ - రూ. 2 లక్షలు ✦ కార్తికేయ - రూ. 2 లక్షలు ✦ వెన్నెల కిషోర్ - రూ. 2 లక్షలు ✦ సప్తగిరి - రూ. 2 లక్షలు ✦ లావణ్య త్రిపాఠి - రూ. 1 లక్ష ✦ సంపూర్ణేష్ బాబు - రూ. 1 లక్ష ✦ బ్రహ్మాజీ - రూ. 70వేలు

from Telugu Movie News | Movie News in Telugu | Movie Gossips in Telugu https://ift.tt/2JCfZl2
v