పవన్ కళ్యాణ్‌ ఫ్యాన్స్‌కి బ్యాడ్ న్యూస్.. వకీల్ సాబ్ రిలీజ్‌‌ కష్టమే!

మెగాస్టార్ తమ్ముడిగా సినీ రంగప్రవేశం చేసిన వరుసగా 25 సినిమాలు చేసి రాజకీయ బాట పట్టారు. చేసింది కొన్ని సినిమాలే అయినా అన్నయ్య చిరంజీవి రేంజ్‌లో ఫ్యాన్ ఫాలోయింగ్ కూడగట్టుకున్న పవర్ స్టార్.. రెండేళ్ల క్రితం జనసేనానిగా జనం సమస్యలను తీర్చేందుకు వెళ్లారు. జనసేన పార్టీ పెట్టి రెండేళ్ల ప్రయాణం చేసిన ఆయన, నిర్మాతల కోరిక మేరకు తిరిగి ముఖానికి రంగేసుకొని ‘’ సెట్స్ మీదకొచ్చారు. అయితే తాజా పరిస్థితులు ఈ సినిమా విడుదలపై అనుమానాలు రేకెత్తిస్తున్నాయి. రీ ఎంట్రీ తర్వాత చేస్తున్న మొదటి సినిమాను చకచకా ఫినిష్ చేసి ప్రేక్షకుల ముందుకురావాలనుకున్న పవన్ కళ్యాణ్‌కి కరోనా కష్టాలు ఎదురయ్యాయని తెలుస్తోంది. బాలీవుడ్ మూవీ 'పింక్' సినిమాకు రీమేక్‌గా రాబోతున్న ‘వకీల్ సాబ్’ మూవీ ఇప్పటికే 80 శాతం మేర షూటింగ్ ఫినిష్ చేసుకుంది. మిగిలిన భాగాన్ని ఫినిష్ చేసి అతిత్వరలో సినిమాను విడుదల చేయాలని చేసిన ప్లాన్‌ని కరోనా మహమ్మారి కాటేసిందని తెలుస్తోంది. లాక్‌డౌన్ రూపంలో షూటింగ్ వాయిదా పడగా, లాక్‌డౌన్ ఫినిష్ అయ్యాక కూడా ఆ ఎఫెక్ట్ సినీ ఇండస్ట్రీపై పడుతుందని అంచనా వేస్తున్నారు విశ్లేషకులు. జనంలో కరోనా భయం పోయి మునుపటిలా థియేటర్స్‌కి రావడానికి చాలా సమయమే పట్టొచ్చని అంటున్నారు. ఈ పరిస్థితి చూసిన 'వకీల్ సాబ్' నిర్మాత దిల్ రాజు ఓ డిసీజన్ తీసుకున్నారని ఇన్‌సైడ్ టాక్. ఒకవేళ షూటింగ్ ఫినిష్ చేసినా చిత్ర విడుదల ఆపేయాలని దిల్ రాజు భావిస్తున్నారట. ఇప్పట్లో విడుదల చేసినా ప్రేక్షకాదరణ లభించే అవకాశం లేదని అనుకుంటున్నారట. అందుకే వచ్చే ఏడాది మొదట్లో సంక్రాంతికి గానీ, రిపబ్లిక్ డేకి గానీ ఈ సినిమాను విడుదల చేయాలనే నిర్ణయానికి వచ్చారట దిల్ రాజు. పవన్ రీ ఎంట్రీ ఎంజాయ్ చేయాలని చూస్తున్న ఆయన అభిమానులకు ఓ రకంగా ఇది బ్యాడ్ న్యూసే మరి. Also Read:

from Telugu Movie News | Movie News in Telugu | Movie Gossips in Telugu https://ift.tt/2VXaHqe
v