పెళ్లి చూపులు.. పెళ్లి.. శోభనం.. ఈ తతంగం అంతా యాంత్రికమే తప్ప ఒకరి మనసుల్ని ఒకరు అర్థం చేసుకునే సమయం కాని సందర్భం కాని ఉండదని వాదించే వారి వాదనలకు బలం చేకూర్చే విధంగా ఉంది ఇది. లేకపోతే ముక్కూ మొహం తెలియని వాడ్ని ఒక్క ఐదు నిమిషాలు చూసి పెళ్లికి ఓకే చెప్పేయడం ఏంటి?? వాడ్ని ఇచ్చి పెళ్లి చేసేయడం ఏంటి?? రెండు మనసులు ఎలాగూ కలవవు ఈ తక్కువ టైంలో.. రెండు శరీరాలు కూడా అమ్మ చెప్పిని ముహూర్తంలో కలవడం ఏంటి?? దాన్ని కాపురం అంటారా? అర్థం చేసుకోవడం అంటారా? అసలు దాన్ని భార్యా భర్తల బంధం అంటారా? లాంటి సమాధానం దొరకని ఈ ప్రశ్నలకు ‘సిన్’ అనే వెబ్ సిరీస్ పరిష్కారం చూపించేట్టుగానే ఉంది. ప్రస్తుతం థియేటర్స్ మూత పడటంతో కోట్లాది మంచి ప్రేక్షకులు ఓటీటీ యాప్స్తోనే వినోదాన్ని పొందుతున్నారు. అమెజాన్ ప్రైమ్, నెట్ ఫ్లిక్స్, హాట్ స్టార్, జీ5, ఆహా లాంటి యాప్లపై ఆధారపడుతున్నారు. తాజాగా ఆహా యాప్లో వస్తోన వెబ్ సిరీస్ ఈ ‘సిన్’ మూవీ. దీనికి సంబంధించిన ప్రోమో ఆద్యంతం ఆకట్టుకునే విధంగా ఉంది. బోల్డ్ కంటెంట్ సీన్స్ ఉన్నప్పటికీ ఆలోచింపచేసేవిగా ఉన్నాయి. ‘జాగ్వార్’ హీరోయిన్ దీప్తి సతి లీడ్ రోల్లో నటించిన ఈ చిత్రంలో రవి వర్మ, జెన్నిఫర్లు కీలకపాత్రల్లో నటించారు. అందరికీ మీరు నచ్చారు.. మరి మీకు నేను నచ్చానా అంటూ పెళ్లి చూపులు ప్రారంభించిన భర్త.. వెంటనే ఆమెను పెళ్లి చేసుకోవడం వెంటనే శోభనం గదిలో సెక్స్ కోసం ఆమెను బలవంతం చేయడం.. ఆమె ఆ కార్యానికి టైం తీసుకుందాం అని చెప్పడంతో అతనిలోని కామ పిశాచి బయటకు వచ్చాడు. ప్రతిరోజు పెళ్లం సెక్స్కి నో చెప్పడంతో బలవంతంగా ఆమెను అనుభవిస్తాడు. భర్తతో ఇష్టంలేని శృంగారం చేస్తూ నరకం అనుభవిస్తుంటుంది ఆ భార్య. అతను మాత్రం ‘అమ్మ చెప్పిన ముహూర్తానికి’ ఆ కార్యం ముగించేశా అంటూ పశువులా ఆమెను అనుభవిస్తున్నాడు. ఇంతలో మరో మహిళ ఆ భర్త జీవితంలోకి రావడం.. ఆ భార్య పిచ్చిదిగా మారడం లాంటి సన్నివేశాలతో ఇంట్రస్టింగ్గా యూత్కి కనెక్ట్ అయ్యేవిధంగా ఈ సిన్ ప్రోమో ఉంది. చాలా వరకూ బోల్డ్ సీన్స్ ఉన్నప్పటికీ రియాలిటీకి దగ్గరగా ఉన్నాయి. నవీన్ మేడారం దర్శకత్వం వహించిన ఈ చిత్రాన్ని ప్రముఖ ప్రొడ్యుసర్ శరత్ మరార్ నిర్మించారు. మైహోమ్ గ్రూప్, అల్లు అరవింద్ సంయుక్తంగా ప్రారంభించిన ‘ఆహా’ యాప్లో ఈ వెబ్ సిరీస్ అందుబాటులో ఉంది.
from Telugu Movie News | Movie News in Telugu | Movie Gossips in Telugu https://ift.tt/39GkDZX
v
No comments:
Post a Comment