మహేష్ పేరు ఎలా వచ్చిందో తెలియడం లేదు: రూమర్స్‌కు చెక్ పెట్టిన చిరు

మెగాస్టార్ చిరంజీవి, డైరెక్టర్ కొరటాల శివ కాంబినేషన్‌లో సినిమా తెరకెక్కుతోన్న సంగతి తెలిసిందే. ఇది చిరంజీవికి 152వ సినిమా. ‘ఆచార్య’ అనే టైటిల్‌ను ఖరారు చేశారు. మణిశర్మ సంగీతం సమకూరుస్తోన్న ఈ సినిమాను శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్‌టైన్మెంట్ బ్యానర్లపై రామ్ చరణ్, నిరంజన్ రెడ్డి నిర్మిస్తున్నారు. ఇప్పటికే 50 శాతం మేర షూటింగ్ పూర్తయింది. ప్రస్తుతం లాక్‌డౌన్ కారణంగా షూటింగ్ నిలిచిపోయిన సంగతి తెలిసిందే. కరోనా వైరస్ కారణంగా ఏర్పడిన ఈ క్లిష్ట పరిస్థితి నుంచి బయటపడిన తరవాత షూటింగ్ ప్రారంభించాలని చూస్తున్నారు. ఇదిలా ఉంటే, ఈ సినిమాలో సూపర్ స్టార్ మహేష్ బాబు ఓ కీలక పాత్రలో నటించనున్నారని వార్తలు వచ్చాయి. ఆయన సుమారు 30 రోజుల కాల్‌షీట్లు కూడా ఇచ్చేశారని అన్నారు. ఈ పాత్ర చేస్తున్నందుకు ఆయనకు రెమ్యునరేషన్ కూడా భారీగా ఇస్తున్నారని ప్రచారం జరిగింది. అయితే, ఆ తరవాత మరో వార్త కూడా బయటికి వచ్చింది. మహేష్ బాబు ఈ సినిమాలో చేయడం లేదని.. ఆయన బదులు ముందు అనుకున్నట్టే రామ్ చరణ్ ఆ పాత్ర చేస్తున్నారని వదంతలు వచ్చాయి. ఇంతకీ వీటిలో వాస్తవం ఉందా? నిజంగా మహేష్ బాబు సంప్రదించారా? రామ్ చరణ్ సంగతేంటి? వంటి అనుమానాలను తాజాగా చిరంజీవి నివృత్తి చేశారు. అసలు ‘ఆచార్య’ సినిమాలో మహేష్ బాబు పేరు ఎలా వచ్చింది తెలియడం లేదని చిరంజీవి అన్నారు. ఈ సినిమాకు సంబంధించి మొదటి నుంచీ ఓ పాత్రకు రామ్ చరణ్ అయితే బాగుంటుందనే అనుకున్నామని మెగాస్టార్ చెప్పారు. ఈ మేరకు ‘నవ్య’కు ఇచ్చిన ఇంటర్వ్యూలో ఆయన పేర్కొన్నారు. ‘‘నేనంటే మహేష్‌కి ప్రేమ, అభిమానం. అలాగే, తనంటే నాకు చాలా ఇష్టం. తనూ నా బిడ్డలాంటి వాడు. అతనితో సినిమా చేసే అవకాశం వస్తే అద్భుతం. ఈ సినిమాలో ఓ పాత్రకు రామ్ చరణ్ అయితే బాగుంటుందని మొదటి నుంచీ శివ అనుకుంటున్నారు. ప్రస్తుతం RRRలో చరణ్ చాలా బిజీగా ఉన్నాడు. అందువల్ల, ఆ సినిమా పూర్తి కాకుండా తను మాకు ఎంత వరకు డేట్స్ ఇవ్వగలడు అనే అనుమానం ఉంది. ఒకవేళ రాజమౌళి, కొరటాల శివ ఒక అండర్‌స్టాండింగ్‌కు వస్తే ‘ఆచార్య’లో చరణ్ ఉండొచ్చు’’ అని చిరంజీవి వెల్లడించారు.

from Telugu Movie News | Movie News in Telugu | Movie Gossips in Telugu https://ift.tt/3aK9ecX
v