బాలీవుడ్ ఇండస్ట్రీలో కరోనా కలకలం సృష్టిస్తోంది. ఇప్పటికే ఇండస్ట్రీకి చెందిన ముగ్గురుకు కరోనా సోకింది. తాజాగా బాలీవుడ్ నిర్మాత కరీమ్ మోరానీ రెండో కూతురు, నటి జోయా మోరానీకి కూడా కరోనా పాజిటివ్ అని నిర్ధారణ అయింది. ఆమె అక్క షాజా మోరానీకి కూడా కరోనా వచ్చిందని సోమవారం నిర్ధారణ అయింది. షాజా శ్రీలంక నుంచి మార్చి మొదటి వారంలో శ్రీలంక నుంచి వచ్చింది. ఆమెకు కరోనా లక్షణాలు రావడంతో పరీక్షలు నిర్వహించారు. ఈ తర్వాత మార్చి మధ్యలో జోయా రాజస్థాన్ నుంచి తిరిగి వచ్చింది. నిన్ననే తన అక్కతో పాటు జోయా కూడా టెస్ట్ చేయించుకుంది. అయితే ఆమె రిపోర్టులు కొంచెం ఆలస్యంగా వచ్చాయి. ఈ పరీక్షలో జోయాకు పాజిటివ్ అని తేలింది. జోయా మోరానీ ప్రస్తుతం ముంబైలోని కోకిలాబెన్ ధీరూబాయ్ అంబానీ ఆసుపత్రిలో చికిత్స పొందుతోంది. మరోవైపు ఆమె అక్క ముంబైలోని నానావతి ఆసుపత్రిలో ట్రీట్మెంట్ తీసుకుంటోంది. మరోవైపు కరీమ్ మోరానీ దంపతులు కూడా టెస్టులు చేయించుకున్నారు. అయితే, వీరి రిపోర్టులు ఇంకా రావాల్సి ఉంది. ప్రస్తుతం ఫ్యామిలీని క్వారంటైన్లో ఉంచారు. షారుఖ్ ఖాన్ సూపర్ హిట్ చిత్రం 'చెన్నై ఎక్స్ ప్రెస్', రా వన్, హ్యాపీ న్యూ ఇయర్, దిల్ వాలే వంటి సినిమాలను కరీమ్ మోరానీ నిర్మించారు. షారుఖ్ ఖాన్కు ఆయన మంచి స్నేహితుడు కూడా. కరీనమ్ మోరాని చిన్న కూతురు జోయా కూడా పలు సినిమాల్లో నటించింది. ‘ఆల్వేజ్ కబి కబి’ ‘భాగ్ జానీ’ వంటి సినిమాల్లో జోయా యాక్ట్ చేసింది. మరోవైపు ఇప్పటికే బాలీవుడ్ సింగ్ కనికా కపూర్ కూడా కరోనా బారిన పడింది. దేశంలోనే కోరనా సోకిన బాలీవుడ్ తొలి సెలబ్రిటీ ఆమె కావడం గమనార్హం. విదేశాల నుంచి వచ్చిన తర్వాత కనికా కపూర్ సెల్ఫ్ క్వారంటైన్ పాటించలేదు. వైరస్ సోకినా నిర్లక్ష్యపూరితంగా వ్యవహరించింది. అంతేగాకుండా ఈమె పలు సోషల్ ఈవెంట్లకు కూడా హాజరయ్యింది. తన ఆల్బమ్ విడుదల కోసం మార్చి నెల ప్రారంభంలో లండన్ నుంచి ముంబాయికి వచ్చారు. గత పది రోజులుగా కనికా ఉత్తరప్రదేశ్లోని సంజయ్ గాంధీ పోస్ట్ గ్రాడ్యుయేట్ ఇనిస్టిట్యూట్ ఆఫ్ మెడికల్ సైన్సెస్లో చికిత్స పొందింది. తాజాగా ఆమెకు కరోనా నెగిటివ్ రావడంతో ఆస్పత్రి నుంచి డాక్టర్లు డిశ్చార్జ్ చేశారు.
from Telugu Movie News | Movie News in Telugu | Movie Gossips in Telugu https://ift.tt/2Xeifa6
v
No comments:
Post a Comment