కరోనా వైరస్ కారణంగా ఎంతో మంది జీవితాలు తలకిందులు అయిపోయాయి. ఈ మహమ్మారిని మన దేశం నుంచి తరిమికొట్టేందుకు కేంద్ర ప్రభుత్వం 21 రోజులపాటు లాక్డౌన్ విధించడంతో ప్రజలంతా ఇళ్లకే పరిమితమయ్యారు. సినిమా షూటింగ్లు కూడా ఆగిపోవడంతో తెలుగు సినీ పరిశ్రమలో రోజువారీ వేతనానికి పనిచేసే ఎంతో మంది కార్మికులకు ఉపాధి లేకుండా పోయింది. దీంతో ఈ కుటుంబాలను ఆదుకోవడానికి సినీ పరిశ్రమ పెద్దలు ముందుకొచ్చారు. ‘మనకోసం’ పేరిట కరోనా క్రైసిస్ ఛారిటీని ఏర్పాటు చేశారు. దీనికి మెగాస్టార్ చిరంజీవిని చైర్మన్ను చేశారు. చిరంజీవి లాంటి సీనియర్ హీరో ఇన్వాల్వ్ కావడంతో ఆయన పిలుపు మేరకు భారీగా విరాళాలు వెల్లువెత్తాయి. చిరంజీవి స్వయంగా కోటి రూపాయలు అందజేశారు. అలాగే అక్కినేని నాగార్జున కోటి రూపాయలు ఇచ్చారు. ఇక మిగిలిన స్టార్ హీరోలు, దర్శకులు, నిర్మాతలు తమ వంతు సాయం అందించారు. మొత్తంగా ఏడు నుంచి ఎనిమిది కోట్ల రూపాయలను విరాళంగా సేకరించారు. ఈ డబ్బుతో 1100 కార్మిక కుటుంబాలకు నెలరోజులకు సరిపడా నిత్యావసరాలను సరఫరా చేస్తున్నారు. ఇప్పటికే ఈ ప్రక్రియను ప్రారంభించారు. అయితే, ఆ ప్రక్రియ ఎలా జరుగుతుందో ట్విట్టర్ ద్వారా చిరంజీవి వెల్లడించారు. ఒక వీడియోను ట్వీట్ చేశారు. Also Read: ‘‘కరోనా క్రైసిస్ ఛారిటీ ద్వారా సినీ పరిశ్రమలో రోజువారీ వేతనానికి పనిచేసే కార్మికులకు నిత్యావసరాలను సరఫరా చేస్తున్నాం. ఈ ప్రక్రియలో అన్ని రకాల జాగ్రత్తలు తీసుకుంటున్నాం. అవసరం అనుకున్నవాళ్లకి డోర్ డెలివరీ చేస్తున్నాం. ఇలాంటి మానవత్వంతో కూడిన మిషన్లో భాగమైన ప్రతి ఒక్కరికీ నేను కృతజ్ఞతలు తెలియజేస్తున్నాను’’ అని చిరంజీవి ట్వీట్లో పేర్కొన్నారు. ఇంట్లో అవసరమైన పప్పులు, పిండిలను చాలా జాగ్రత్తగా ప్యాకింగ్ చేస్తున్న విధానాన్ని చిరంజీవి ట్వీట్ చేసిన వీడియోలో చూడొచ్చు. ఈ లాక్డౌన్ సమయంలో తమ కార్మికులు ఆహారం కోసం ఇబ్బంది పడకూడదనే ఉద్దేశంతో సినీ పెద్దలు తీసుకున్న ఈ నిర్ణయంపై సర్వత్రా ప్రశంసలు అందుతున్నాయి.
from Telugu Movie News | Movie News in Telugu | Movie Gossips in Telugu https://ift.tt/2VhPzKG
v
No comments:
Post a Comment