ఎస్.ఎస్.రాజమౌళి, యంగ్ టైగర్ ఎన్టీఆర్, మెగా పవర్ స్టార్ కాంబినేషన్లో సినిమా అనగానే.. వాళ్లు ముగ్గురు పేర్లలోని ‘R’లను చేర్చి RRR అనే వర్కింగ్ టైటిల్ను బాగా ట్రెండ్ చేశారు. ఇది అందరికీ బాగా రీచ్ అవ్వడంతో అదే టైటిల్ను ఖరారు చేసినట్టు రాజమౌళి ప్రకటించారు. అయితే, RRR పూర్తి పేరును తమకు సిఫారుసు చేయొచ్చని రాజమౌళి అభిమానులకు పిలుపునిచ్చారు. దీంతో కొన్ని వందల పేర్లను అభిమానులు సిఫారుసు చేశారు. వీటిలో ‘రౌద్రం, రణం, రుధిరం’ అనే టైటిల్ను ఖరారు చేశారు. రామ్ చరణ్ ‘రౌద్రం’, ఎన్టీఆర్ ‘రుధిరం’ కలిసి ‘రణం’గా మారింది. ఉగాది కానుకగా RRR టైటిల్ లోగో, మోషన్ పోస్టర్ను విడుదల చేశారు. మోషన్ పోస్టర్ అదిరిపోయింది. రామ్ చరణ్ నిప్పులో నుంచి దూసుకువస్తే.. ఎన్టీఆర్ నీటిలో నుంచి కెరటంలా వచ్చారు. రామ్ చరణ్ ప్యాంట్, షట్తో ఉంటే.. ఎన్టీఆర్ పంచెకట్టులో ఉన్నారు. ఈ సినిమాలో అల్లూరి సీతారామరాజు పాత్రలో రామ్ చరణ్, కొమరం భీమ్ పాత్రలో ఎన్టీఆర్ నటిస్తోన్న సంగతి తెలిసిందే. తెలుగుతో పాటు తమిళం, మలయాళం, కన్నడ, హిందీ మోషన్ పోస్టర్లను ఒకేసారి విడుదల చేశారు. Also Read: తెలుగు పోస్టర్ను డీవీవీ మూవీస్ యూట్యూబ్ ఛానెల్లో విడుదల చేయగా.. తమిళ్ పోస్టర్ను ఎన్టీఆర్ అఫీషియల్, హిందీ పోస్టర్ను అజయ్ దేవగణ్, కన్నడ పోస్టర్ను వారాహి, మలయాళ పోస్టర్ను రామ్ చరణ్ యూట్యూబ్ ఛానెళ్లలో విడుదల చేశారు. కాగా, ఈ సినిమా జనవరి 8న ప్రేక్షకుల ముందుకు వస్తోన్న సంగతి తెలిసిందే. రామ్ చరణ్కు జంటగా బాలీవుడ్ బ్యూటీ ఆలియా భట్ నటిస్తుండగా.. ఎన్టీఆర్ సరసన ఇంగ్లిష్ నటి ఒలివియా మోరిస్ నటిస్తున్నారు. అజయ్ దేవగణ్ కీలక పాత్ర పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/39hjmZ9
v
No comments:
Post a Comment