సిద్ శ్రీరామ్ ప్రస్తుతం సౌత్లో పాపులర్ సింగర్. ఆయన ఏ పాట పాడినా సంగీత ప్రియులు ఫిదా అయిపోతున్నారు. అంతలా ఆయన తన స్వరంతో మాయ చేస్తున్నారు. ఆయన అల్లు అర్జున్ లాంటి స్టార్ హీరో సినిమాలో పాట పాడినా.. ప్రదీప్ మాచిరాజు వంటి చిన్న హీరో చిత్రంలో పాట పాడినా పాపులారిటీ మాత్రం ఒకేలా ఉంటుంది. అదీ సిద్ శ్రీరామ్ మాయ. ఆయన పాడిన ‘సామజవరగమన’ పాట ఎంత పాపులర్ అయ్యిందో అందరికీ తెలిసిందే. ఇటీవల ‘30 రోజుల్లో ప్రేమించడం ఎలా’ సినిమాలోని సిద్ శ్రీరామ్ పాడిన ‘నీలి నీలి ఆకాశం’ పాట కూడా అంతే పాపులర్ అయ్యింది. అయితే, ఇప్పుడు మరో అందమైన పాటతో సిద్ శ్రీరామ్ మన ముందుకు వచ్చారు. అఖిల్ అక్కినేని, పూజా హెగ్డే హీరోహీరోయిన్లుగా నటిస్తోన్న ‘మోస్ట్ ఎలిజిబుల్ బ్యాచ్లర్’ చిత్రంలో ‘మనసా మనసా’ అనే పాటను సిద్ శ్రీరామ్ ఆలపించారు. గోపీ సుందర్ స్వరపరిచిన ఈ పాటను మార్చి 2న విడుదల చేశారు. ఈ సినిమా నుంచి వస్తోన్న తొలిపాట కావడంతో బజ్ ఏర్పడింది. అయితే, ఈ పాటను సిద్ శ్రీరామ్ ఆలపించడంతో ఆ బజ్ మరింత పెరిగిపోయింది. సిద్ శ్రీరామ్ ఈ పాటను తన స్టైల్లోనే అద్భుతంగా ఆలపించారు. సురేంద్ర కృష్ణ రచించిన ఈ పాట సాహిత్యాన్ని మేం ఇక్కడ అందిస్తున్నాం. మీరూ పాడేయండి.. పల్లవి మనసా మనసా మనసారా బ్రతిమాలా తన వలలో పడబోకే మనసా.. పిలిచా అరిచా అయినా నువ్ వినకుండా తనవైపు వెలతావ మనసా.. నా మాట అలుసా నేనెవరో తెలుసా నాతోనే ఉంటావు నన్నే నడిపిస్తావు నన్నాడిపిస్తావే మనసా.. మనసా మనసా మనసారా బ్రతిమాలా తన వలలో పడబోకే మనసా.. పిలిచా అరిచా అయినా నువ్ వినకుండా తనవైపు వెలతావ మనసా.. చరణం - 1 ఏముంది తనలోన గమ్మత్తు అంటే అది దాటి మత్తేదో ఉందంటు అంటూ తనకన్నా అందాలు ఉన్నాయి అంటే అందానికే తాను ఆకాశమంటూ నువ్వే నా మాట.. హే... నువ్వే నా మాట వినకుంటే మనసా.. తానే నీ మాట వింటుందా ఆశ నా మాట అలుసా.. నేనెవరో తెలుసా నాతోనే ఉంటావు నన్నే నడిపిస్తావు నన్నాడిపిస్తావే మనసా.. మనసా మనసా మనసారా బ్రతిమాలా తన వలలో పడబోకే మనసా.. పిలిచా అరిచా అయినా నువ్ వినకుండా తనవైపు వెలతావ మనసా.. చరణం - 2 తెలివంత నా సొంతమనుకుంటు తిరిగా తనముందు నుంచుంటే నా పేరు మరిచా ఆ మాటలే వింటు మతిపోయి నిలిచా బదులెక్కలుందంటు ప్రతి చోట వెతికా తనతో ఉండే... హే.... తనతో ఉండే ఒక్కొక్క నిమిషం మరలా మరలా పుడతావా మనసా నా మాట అలుసా నేనవరో తెలుసా నాతోనే ఉంటావు నన్నే నడిపిస్తావు నన్నాడిపిస్తావే మనసా.. మనసా మనసా మనసారా బ్రతిమాలా తన వలలో పడబోకే మనసా.. పిలిచా అరిచా అయినా నువ్ వినకుండా తనవైపు వెలతావ మనసా..
from Telugu Movie News | Movie News in Telugu | Movie Gossips in Telugu https://ift.tt/2VNdG6f
v
No comments:
Post a Comment