వరల్డ్ కప్ ఫైనల్‌లో ‘పక్కా లోకల్’ సాంగ్.. ఎన్టీఆర్ క్రేజ్ ఇదీ అంటోన్న ఫ్యాన్స్

జూనియర్ ఎన్టీఆర్... పేరులో ‘జూనియర్’ అని ఉన్నా పాపులారిటీలో మాత్రం సూపర్ సీనియర్. మాస్ హీరో అనే ముద్రతో తన కెరీర్ స్టార్ట్ చేసినా ఆ తరువాత మాత్రం ‘బృందావనం’ వంటి సినిమాలతో ఫ్యామిలీ ఆడియన్స్‌కి కూడా చేరువయ్యారు. ‘టెంపర్’ సినిమాతో తన నటనలో పొటెన్షియాలిటీ నిరూపించుకుని ఫాలోయింగ్‌ని అమాంతం పెంచుకున్నారు. ఇక అప్పటి నుండి ఇప్పటి వరకు ఫ్లాప్ అనేది లేకుండా వరుస విజయాలతో దూసుకుపోతున్న ఎన్టీఆర్ ఫ్యాన్ బేస్ కూడా చాలా పెరిగింది. త్వరలో ‘RRR’తో పాన్ ఇండియా రేంజ్‌లో పాపులారిటీ తెచ్చుకోవడానికి విపరీతంగా కష్టపడుతున్నారు. ఇప్పుడు ఎన్టీఆర్ పేరు, క్రేజ్ ఇండియా దాటి అనేక దేశాలకు పాకింది. ఇప్పుడు చెప్పబోయే విషయం వింటే దీన్ని ఒప్పుకుని తీరాలి. వివరాల్లోకి వెళ్తే.. రీసెంట్‌గా ఆస్ట్రేలియాలోని మెల్‌బోర్న్ క్రికెట్ గ్రౌండ్‌లో మహిళల టి20 ప్రపంచ కప్ ఫైనల్ జరిగింది. ఆ మ్యాచ్‌లో ఇండియా, ఆస్ట్రేలియా జట్లు తలపడ్డాయి. ఇండియాని ఓడించి కప్ అందుకుంది ఆస్ట్రేలియా. అయితే ఇక్కడ ఆసక్తికర విషయం ఏంటంటే.. ఆ ఫైనల్ జరుగుతున్నప్పుడు స్టేడియంలో ఎన్టీఆర్ సినిమాలోని ఓ పాటను ప్లే చేసారు. ఎన్టీఆర్ కెరీర్‌లో బ్లాక్ బస్టర్‌గా నిలిచిన ‘జనతా గ్యారేజ్’ సినిమాలో ఎన్టీఆర్, కాజల్ కలిసి కుమ్మేసిన పక్కా లోకల్ సాంగ్ అక్కడ మార్మోగింది. గీతా మాధురి హస్కీ వాయిస్‌తో పాడిన పక్కా లోకల్ అక్కడ చాలామందిలో ఉత్సాహం నింపింది. ఆ మ్యాచ్ చూస్తున్న ఒక ఆడియెన్ ఆ పాట రికార్డ్ చేసి సోషల్ మీడియాలో పోస్ట్ చేసాడు. దానికి ‘జనతా గ్యారేజ్’ మ్యూజిక్ డైరెక్టర్ దేవిశ్రీ ప్రసాద్ లైక్ కొట్టడంతో ఇప్పుడు ఆ పోస్ట్ వైరల్‌గా మారింది. ఆ వీడియో చూసిన ఎన్టీఆర్ ఫ్యాన్స్ యంగ్ టైగర్ రేంజ్ ఇదీ అంటూ మురిసిపోతున్నారు. మెల్‌బోర్న్‌లో కూడా ఎన్టీఆర్‌కి మైండ్ బ్లోయింగ్ ఫాలోయింగ్ ఉంది అని సంబరపడుతున్నారు. ఇప్పుడే ఎన్టీఆర్ క్రేజ్ ఇలా ఉంటే ప్రపంచం అంతా ఎదురుచూస్తున్న జక్కన్న మాయాజాలం ‘RRR’ తరువాత తారక్ కెరీర్ గ్రాఫ్ తారాస్థాయికి చేరుతుంది అనడంలో ఎలాంటి సందేహం లేదు. అసలే పులితో ఫైట్ అంటూ ఇప్పటికే ‘RRR’పై హైప్‌ని ఒక రేంజ్‌కి తీసుకెళ్ళారు. మరి వచ్చే ఏడాది జనవరి 8 తరువాత ఎన్టీఆర్ పాన్ ఇండియా స్టార్‌గా మారడం, ఆస్ట్రేలియాతో పాటు మరిన్ని దేశాల్లో ఎన్టీఆర్‌కి అభిమాన సంఘాలు మొదలవడం అనేది తప్పకుండా జరుగుతుంది అని జోస్యం చెబుతున్నారు ఎన్టీఆర్ డై హార్డ్ ఫ్యాన్స్.

from Telugu Movie News | Movie News in Telugu | Movie Gossips in Telugu https://ift.tt/2veDltC
v