కరోనా వైరస్ వ్యాప్తిచెందుతోన్న నేపథ్యంలో ప్రజలు తగు జాగ్రత్తలు తీసుకోవాలని సూపర్ స్టార్ మహేష్ బాబు సూచించారు. వైరస్ ఒకరి నుంచి ఒకరికి ఎంత వేగంగా వ్యాపిస్తుందో ఒక క్రియేటివ్ వీడియో ద్వారా ప్రజలకు సులభంగా అర్థమయ్యేలా వివరించారు. ఇలాంటి పరిస్థితుల్లో సామాజిక దూరాన్ని పాటించాలన్నారు. ఇలా చేయడం కష్టమే అయినప్పటికీ దీన్ని పాటించాల్సిన అవసరం ఉందని సూచించారు. మన సామాజిక జీవితాన్ని త్యాగం చేసే సమయం ఇదని అన్నారు. ప్రజా భద్రతను దృష్టిలో పెట్టుకుని దీన్ని పాటించక తప్పదన్నారు. ఈ మేరకు ఇన్స్టాగ్రామ్లో ఆయన ఒక పోస్ట్ చేశారు. ‘‘ఈ సమయంలో సామాజిక దూరం పాటించడం ఎంతో అవసరం. ఇలా చేయడం చాలా కష్టం. కానీ, చేయక తప్పదు. సామాజిక జీవితాన్ని త్యాగం చేయాల్సిన సమయం వచ్చింది. ప్రజా భద్రతకు ప్రాధాన్యత ఇవ్వాలి. వీలైనంత వరకు ఇంట్లోనే ఉండండి. మీ కుటుంబంతో, ఇష్టమైన వారితో గడపండి. ఇలా చేయడం వల్ల వైరస్ వ్యాప్తి చెందకుండా చాలా ప్రాణాలు నిలుస్తాయి. మీ చేతులను తరచుగా కడుక్కోండి. మీ పరిసరాలను పరిశుభ్రంగా ఉంచుకోండి. వీలైనంత వరకు హ్యాండ్ శానిటైజర్లను వాడండి. మీకు కాస్త అనారోగ్యంగా అనిపిస్తే మాస్కులు వినియోగించండి. వైరస్ పోయేంత వరకు అవసరమైన అన్ని జాగ్రత్తలను పాటిందాం. కోవిడ్ - 19పై కలిసి పోరాడదాం. భద్రతగా ఉండండి’’ అని తన ఇన్స్టాగ్రామ్ పోస్ట్లో మహేష్ బాబు పేర్కొన్నారు. కాగా, కరోనా వైరస్ పట్ల ప్రజలను అప్రమత్తం చేస్తూ తీసుకోవాల్సిన జాగ్రత్తల గురించి జూనియర్ ఎన్టీఆర్, రామ్ చరణ్ సంయుక్తంగా ఇప్పటికే ఒక వీడియోను విడుదల చేశారు. WHO సూచించిన ఆరు సూత్రాలను ఈ వీడియోలో వారు వివరించారు. అలాగే, రెబల్ స్టార్ ప్రభాస్ కూడా ఇన్స్టాగ్రామ్ ద్వారా కరోనా వైరస్ గురించి స్పందించారు. దీనిపై అప్రమత్తంగా ఉండాలని ప్రజలకు సూచించారు. తాజాగా నేచురల్ స్టార్ నాని కూడా ట్వీట్ చేశారు. మొత్తానికి మన హీరోలు తమ వంతు బాధ్యతగా ప్రజల్లో కరోనా వైరస్పై అవగాహన కల్పించడానికి ముందుకు రావడం అభినందనీయం. Also Read:
from Telugu Movie News | Movie News in Telugu | Movie Gossips in Telugu https://ift.tt/2IUAIAc
v
No comments:
Post a Comment