పూజా హెగ్డేకు కరోనా కష్టాలు.. ఇస్తాంబుల్ ఎయిర్‌పోర్టులో..!!

టాలీవుడ్‌లో పూజా హెగ్డే ప్రస్తుతం మంచి ఫామ్‌లో ఉన్నారు. స్టార్ హీరోయిన్ హోదాను అనుభవిస్తున్నారు. ‘ముకుంద’ సినిమాతో తెలుగు ప్రేక్షకులను పరిచయమైన పూజా.. ఆ తరవాత మంచి కథలను, పాత్రలను ఎంపిక చేసుకుంటూ తనకంటూ ఒక ఇమేజ్‌ను ఏర్పరుచుకున్నారు. ‘అరవింద సమేత’, ‘మహర్షి’ లాంటి హిట్ల తరవాత.. ఇటీవలే ‘అల వైకుంఠపురములో’ సినిమాతో బ్లాక్ బస్టర్ అందుకున్నారు. టాలీవుడ్‌తో పాటు బాలీవుడ్‌లోనూ రాణిస్తున్నారు. ప్రస్తుతం ఆమె చేతిలో రెండు తెలుగు సినిమాలు ఉన్నాయి. ఒకటి అక్కినేని అఖిల్‌తో చేస్తోన్న ‘మోస్ట్ ఎలిజిబుల్ బ్యాచ్‌లర్’ కాగా.. మరొకటి రెబల్ స్టార్ ప్రభాస్‌తో చేస్తోన్న సినిమా. ‘మోస్ట్ ఎలిజిబుల్ బ్యాచ్‌లర్’ సినిమా షూటింగ్‌ను పూజా హెగ్డే ఎప్పుడో పూర్తి చేసేశారు. ప్రస్తుతం ఆమె ప్రభాస్ సినిమా షూటింగ్‌తో బిజీగా ఉన్నారు. రాధాకృష్ణ కుమార్ దర్శకత్వంలో తెరకెక్కుతోన్న ఈ సినిమా షూటింగ్ ప్రస్తుతం జార్జియాలో జరుగుతోంది. అక్కడ కరోనా వైరస్ ప్రభావం తక్కువగా ఉండటంతో సినిమా షూటింగ్‌ను మొదలుపెట్టేశారు. ప్రభాస్ కూడా ఇప్పటికే అక్కడికి వెళ్లిపోయారు. అయితే, అక్కడే ప్రభాస్ - పూజా హెగ్డే కాంబినేషన్ సీన్స్ చేయాల్సి ఉంది. దీని కోసం ఇండియా నుంచి పూజా హెగ్డే బయలుదేరి వెళ్లారు. అయితే, ఆమె టర్కీలోని ఇస్తాంబుల్ మీదుగా జార్జియా వెళ్లారు. Also Read: ఇస్తాంబుల్ న్యూ ఎయిర్‌పోర్ట్‌లో తీసుకున్న ఫొటోను పూజా హెగ్డే ఇన్‌స్టాగ్రామ్‌లో పోస్ట్ చేశారు. ఈ ఫొటోలో పూజా.. ముఖానికి మాస్క్, చేతులకు గ్లోవ్స్ వేసుకుని ఉన్నారు. దీనికి కారణం కరోనా వైరస్ భయం. ప్రస్తుతం యూరప్‌లో కరోనా వైరస్ విజృంభిస్తోంది. అందుకే, రక్షణ చర్యల్లో భాగంగా పూజా హెగ్డే ఈ జాగ్రత్తలు తీసుకున్నారు. స్వెట్ జాకెట్, వైట్ షూస్ వేసుకుని ఎయిర్‌పోర్ట్‌లో పూజా హెగ్డే ధీనంగా చూస్తోన్న ఈ ఫొటో చూస్తుంటే ‘ఎన్ని కష్టాలొచ్చాయి’ అనిపిస్తుంది. కానీ, సినిమా కోసం తప్పదుగా. ఇదిలా ఉంటే.. టర్కీతో పోలిస్తే జార్జియాలో కరోనా ప్రభావం ఎక్కువగానే ఉంది. టర్కీలో ఇప్పటి వరకు రెండు కోవిడ్ 19 పాజిటివ్ కేసులు నమోదు కాగా.. జార్జియాలో 42 పాజిటివ్ కేసులు నమోదయ్యాయి. ఇప్పుడు అక్కడే ప్రభాస్ సినిమా షూటింగ్ జరుగుతోంది. అయితే, జార్జియాలో ఏ నగరంలో షూటింగ్ జరుగుతోందనే విషయంపై స్పష్టత లేదు. కాగా, ఇది ప్రభాస్‌కు 20వ సినిమా. మొదట ఈ సినిమాకు ‘జాన్’ అనే టైటిల్‌ను పరిశీలించారు. ఇప్పుడు ‘ఓ డియర్’ అనే టైటిల్ పరిశీలనలో ఉన్నట్టు సమాచారం.

from Telugu Movie News | Movie News in Telugu | Movie Gossips in Telugu https://ift.tt/2TR2xQt
v