పాలిటిక్స్, కులం, పవర్.. తొక్క తోలు ఏమీ ఉండదు: నాని ఆసక్తికర ట్వీట్

తెలుగు రాష్ట్రాల్లో ప్రజల్లో కరోనా వైరస్ భయాన్ని పోగొట్టడానికి, ఆ మహమ్మారి నుంచి మనల్ని మనం కాపాడుకోవడానికి తీసుకోవాల్సిన జాగ్రత్తల గురించి అవగాహన కల్పించడానికి టాలీవుడ్ హీరోలు ఒక్కొక్కరుగా బయటికి వస్తున్నారు. ఇప్పటికే తెలంగాణ ప్రభుత్వం విజయ్ దేవరకొండతో ఒక ప్రజా ప్రయోజన ప్రకటనను జారీ చేసింది. ఆ తరవాత మహేష్ బాబు సహా పలువురు హీరోలు ట్విట్టర్ ద్వారా స్పందించారు. తాజాగా జూనియర్ ఎన్టీఆర్, రామ్ చరణ్ కలిసి ఒక వీడియో చేశారు. ప్రస్తుతం ఈ వీడియో సోషల్ మీడియాలో బాగా వైరల్ అవుతోంది. WHO సూచించిన ఆరు సూత్రాలను ఈ వీడియోలో ఈ ఇద్దరు స్టార్ హీరోలు వివరించారు. అయితే, కరోనా వైరస్ గురించి నేచురల్ స్టార్ నాని కాస్త వెరైటీగా స్పందించారు. ఆయన రూటే సపరేటు కదా.. అందుకే, తన స్టైల్లోనే ప్రజలకు జాగ్రత్తలు చెప్పారు. ‘‘పాలిటిక్స్, కులం, మతం, పవర్, డబ్బు, ఫేమ్ తొక్క తోలు ఏమీ ఉండదు. చివరకి మనిషికి మనిషే. మనమంతా ఒక పెద్ద కుటుంబం. ఒకరిపై ఒకరు జాగ్రత్త తీసుకోవడం ఎంతో అవసరం. బాధ్యతగా ఉండండి.. భద్రంగా ఉండండి’’ అని నాని ట్వీట్ చేశారు. ఈ ట్వీట్‌కు నాని ఫ్యాన్స్ నుంచి మంచి స్పందన వస్తోంది. ‘‘భలే చెప్పారు’’ నాని అన్న అంటూ ఆయన్ని మోసేస్తున్నారు. నిజమే కదా.. వైరస్‌కు చిన్నా పెద్దా తేడా ఏముంటుంది. ఎవరికైనా సోకుతుంది. ఎవరి ప్రాణాలైనా తీస్తుంది. అందుకే అంతా జాగ్రత్తగా ఉండాలి. ఇదిలా ఉంటే, నాని హీరోగా నటించిన తాజా చిత్రం ‘V’. ఇంద్రగంటి మోహన్‌కృష్ణ దర్శకత్వంలో తెరకెక్కుతోన్న ఈ సినిమాలో సుధీర్ బాబు మరో హీరో. ఈ చిత్రంలో నాని నెగిటివ్ రోల్‌లో కనిపించనున్నారు. నివేదా థామస్, అదితిరావు హైదరి హీరోయిన్లు. శ్రీమతి అనిత సమర్పణలో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మించారు. అమిత్ త్రివేది సంగీతం సమకూర్చారు. తమన్ బ్యాక్‌గ్రౌండ్ స్కోర్ కంపోజ్ చేశారు. ఇప్పటికే విడుదలైన టీజర్, రెండు పాటలకు మంచి రెస్పాన్స్ వచ్చింది. ఈ సినిమా మార్చి 25న విడుదల చేయాల్సి ఉంది. కానీ, కరోనా వైరస్ కారణంగా సినిమాను వాయిదా వేశారు. త్వరలో కొత్త విడుదల తేదీని ప్రకటిస్తారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2WkKR0V
v