‘ప్లీజ్ బయట తిరగొద్దు’.. పోలీస్ కన్నీటిపర్యంతం, వీడియోపై వర్మ ఖతర్నాక్ కామెంట్స్

రేయ్.. రేయ్.. బయటకు రాకండ్రా... బయటకు వస్తే చచ్చిపోతారు.. సోకితే కుక్క చావు చస్తారు.. కనీసం శవాన్ని చూడటానికి కూడా ఎవరూ రారు.. దహనం చేయడానికి కూడా ఎవరూ ముందుకు వచ్చే సాహసం చేయరు. ఒక్కరికి సోకితే చుట్టూ ఉన్న వాళ్లకు ఈ వ్యాధి సోకుతుంది.. జాగ్రత్తగా ఉండండ్రా.. ఇంట్లో నుంచి బయటకు రాకండ్రా.. మీరు ఇంట్లో ఉండండి.. మీకోసం మేం పనిచేస్తాం.. అంటూ పోలీస్‌లు రోడ్డెక్కి డ్యూటీ చేస్తున్నారు. అయితే కొంతమంది మూర్ఖులు ఎంత చెప్పినా వినడం లేదు.. రకరకాల కారణాలతో చస్తే చస్తాం అంటూ మూర్ఖంగా పోలీసులతో వాదనకు దిగడంతో పోలీసులు స్టైల్ మార్చారు. రోడ్డెక్కితే వీరబాదుడే లాంటూ లాఠీలకు పనిచెప్పారు.. వాడు వీడు అని కాకుండా రోడ్డు మీద కనిపిస్తే చాలు తన్ని మరీ పంపిస్తున్నారు. ఎంత తన్నినా కొంతమంది తమ ప్రవర్తన మార్చుకోకపోవడంతో ఓ పోలీస్ ఆఫీసర్ కన్నీళ్లు పెట్టుకుంటున్నాడు.. దయచేసి ఇంటికి వెళ్లిపో.. ప్రాణాలను రక్షించుకో.. నిన్ను నిన్ను కాపాడుకోవడమే కాదు.. నీ చుట్టూ ఉన్నవాళ్లని.. ఈ దేశాన్ని కాపాడు అంటూ ప్రాధేయపడుతూ దండం పెడుతున్న వీడియో సోషల్ మీడియాలో వైరల్ అవుతోంది. ఈ వీడియోపై దర్శకుడు స్పందిస్తూ పోలీసులకు చక్కని సలహా ఇచ్చారు. ‘నేను పోలీసులకు ఇచ్చే సలహా ఏంటి అంటే.. మీరు ప్రజల దగ్గర ప్రాధేయపడుతూ వాళ్లతో ఫ్రెండ్లీగా ఉంటే వాళ్లు మీ నెత్తి ఎక్కి కూర్చుంటారు’ అంటూ ట్రాఫిక్ పోలీస్ ఆఫీసర్ ఏడుస్తూ ఓ వాహనదారుడికి నమస్కారం పెట్టి ఏడుస్తున్న వీడియోను పోస్ట్ చేశారు వర్మ. మీకోసం మా ప్రాణాలకు తెగించి రోడ్డు మీదికి వచ్చి డ్యూటీ చేస్తున్నాం.. దయచేసి మీరు రోడ్లపైకి రావొద్దు.. మీకు దండం పెడతా అంటూ ఓ ట్రాఫిక్ పోలీస్ వాహనదారుడికి దండం పెట్టి కన్నీళ్లు పెట్టుకున్న వీడియో సోషల్ మీడియాలో వైరల్ అవుతోంది. https://twitter.com/RGVzoomin/status/1243052403974262784?s=20

from Telugu Movie News | Movie News in Telugu | Movie Gossips in Telugu https://ift.tt/39fHivP
v