బాలకృష్ణ కోసం సూపర్ హిట్ సాంగ్‌ను రీమిక్స్ చేస్తున్న తమన్

నటసింహా నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో సినిమా చేస్తున్న సంగతి తెలిసిందే. త్వరలోనే ఈ సినిమా సెట్స్‌పైకి వెళ్లనుంది. ప్రస్తుతానికి చిత్ర యూనిట్ ప్రీ ప్రొడక్షన్ పనులను పూర్తిచేసింది. ఈ చిత్రం ఫస్ట్ షెడ్యూల్ వారణాసిలో ప్రారంభమవుతుందని సమాచారం. ఈ సినిమాతో మళ్లీ ‘సింహా’, ‘లెజెండ్’ సక్సెస్‌ను రిపీట్ చేయాలని బోయపాటి చూస్తు్న్నారు. మరోవైపు, వరుస ప్లాపులతో డీలా పడిన బాలయ్య ఈ సినిమా హిట్‌తో అభిమానుల్లో జోష్ నింపాలని చూస్తున్నారు. ఇదిలా ఉంటే, ఈ సినిమాకు ఎస్.ఎస్.తమన్‌ను సంగీత దర్శకుడిగా తీసుకున్నారట. అయితే, ఈ విషయాన్ని ఇంకా చిత్ర యూనిట్ ఖరారు చేయలేదు. కానీ, తమన్ అప్పుడే ఈ సినిమాకు సంబంధించి పని మొదలుపెట్టేశారని.. బాలయ్యకు, బోయపాటికి ట్యూన్లు వినిపిస్తున్నారని ఇండస్ట్రీ టాక్. మరో ఆసక్తికర విషయం ఏంటంటే.. బాలకృష్ణ సూపర్ హిట్ సాంగ్‌ను ఈ సినిమా కోసం రీమిక్స్ చేస్తున్నారని అంటున్నారు. Also Read: ‘బంగారు బుల్లోడు’ చిత్రంలోని ‘స్వాతిలో ముత్యమంత’ సాంగ్ ఎంత పెద్ద హిట్టో అందరికీ తెలిసిందే. ఆ పాటను ఇప్పుడు తమన్ రీమిక్స్ చేస్తున్నారని సమాచారం. ఈ వార్తలో నిజమెంతో తెలీదు కానీ.. ఆ పాటను రీమిక్స్ చేయడం అనేది నందమూరి అభిమానులకు స్వీట్ న్యూస్. నిజానికి పాత మధురాలను రీమిక్స్ చేయడం తమన్‌కు కొత్తేమీ కాదు. ఇప్పటికే పలు చిరంజీవి సినిమాలు సాయి ధరమ్ తేజ్ కోసం తమన్ రీమిక్స్ చేశారు.

from Telugu Movie News | Movie News in Telugu | Movie Gossips in Telugu https://ift.tt/2T0ksmZ
v