యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ కలయికలో వచ్చిన ‘అరవింద సమేత’ చిత్రం ఎంతటి ఘన విజయాన్ని అందుకుందో తెలిసిందే. ఇదే కలయికలో ఇప్పుడు మరొక చిత్రం త్వరలో ప్రారంభం కాబోతోంది. RRR చిత్రం తరువాత ఎన్టీఆర్ చేయబోయే చిత్రం ఇది. హారిక అండ్ హాసిని క్రియేషన్స్, ఎన్టీఆర్ ఆర్ట్స్ బ్యానర్లపై ఎస్.రాధాకృష్ణ (చినబాబు), నందమూరి కళ్యాణ్ రామ్ నిర్మిస్తున్న ఈ చిత్రం వేసవి నుంచి షూటింగ్కు వెళుతుంది. ఈ చిత్రాన్ని వచ్చే ఏడాది వేసవికి విడుదల చేస్తున్నట్లు చిత్ర బృందం అధికారికంగా ప్రకటించింది. ఎన్టీఆర్ తన తరవాత సినిమాను త్రివిక్రమ్తో చేస్తున్నట్లు ఇప్పటికే రూమర్లు వచ్చాయి. ‘ఐనను పోయిరావలె హస్తినకు’ అనే టైటిల్ను పరిశీలిస్తున్నారని కూడా అన్నారు. ఈ నేపథ్యంలో ఎన్టీఆర్ అభిమానులు సినిమా అనౌన్స్మెంట్ కోసం ఆసక్తిగా ఎదురుచూశారు. ఎట్టకేలకు ఈ ప్రకటన వచ్చేసింది. అంటే వచ్చే ఏడాది ఎన్టీఆర్ అభిమానులకు పండగే. జనవరి 8న RRR సినిమా వస్తుంది. ఆ తరవాత రెండు మూడు నెలల వ్యవధిలో త్రివిక్రమ్ సినిమా వచ్చేస్తుంది. కాగా, ఇది ఎన్టీఆర్కు 30వ సినిమా. ఎన్టీఆర్ ఆర్ట్స్ బ్యానర్, హారిక అండ్ హాసిని క్రియేషన్స్.. ఈ రెండు బ్యానర్లలోనూ ఎన్టీఆర్ చేస్తోన్న రెండో సినిమా. గతంలో హారిక అండ్ హాసిని క్రియేషన్స్ బ్యానర్లో ‘అరవింద సమేత’ సినిమాను ఎన్టీఆర్ చేశారు. అలాగే ఎన్టీఆర్ ఆర్ట్స్ బ్యానర్లో ‘జై లవ కుశ’ సినిమా చేశారు. ఈ రెండు సినిమాలు హిట్ అయ్యాయి. మరి ఇప్పుడు ఈ రెండు సంస్థలు కలిసి నిర్మిస్తోన్న ఈ చిత్రం ఎంత పెద్ద హిట్ అవుతుందో చూడాలి. ఈ సినిమాకు సంబంధించి ఇతర నటీనటుల, సాంకేతిక నిపుణుల వివరాలు త్వరలో తెలియజేస్తాం అని చిత్ర బృందం తెలిపింది.
from Telugu Movie News | Movie News in Telugu | Movie Gossips in Telugu https://ift.tt/38Kxfzq
v
No comments:
Post a Comment