మాతృభాషా దినోత్సవం: అమ్మ భాష గొప్పతనాన్ని చెప్పే కమ్మనైన తెలుగు పాట

మనిషి జీవితంలో మొట్ట మొదటిగా నేర్చుకునే భాష అమ్మభాష. తల్లి ఒడే బిడ్డకు తొలి బడి. తన తల్లిని ఎవరూ చెప్పకుండానే అమ్మా అని బిడ్డ ఎలా పిలుస్తాడో.. మాతృభాష కూడా అలాగే నేర్చుకుంటాడు. మాతృభాష సహజంగా అబ్బుతుంది. అప్రయత్నంగా వస్తుంది. అలాంటి భాషను పరభాషా ప్రమేయంతో ప్రస్తుతం కూనీ చేసేస్తున్నాం. పరభాషను నేర్చుకోవడం తప్పుకాదు. దాని మోజులో పడి మాతృభాషను పక్కనపెట్టడం తప్పు. ‘‘తెలుగుభాష తీయదనం.. తెలుగుజాతి గొప్పతనం తెలుసుకున్న వాళ్లకి తెలుగే ఒక మూలధనం’’ అని సినీ గేయ రచయిత చంద్రబోస్ అక్షర సత్యం చెప్పారు. నిజానికి మనం చిన్నప్పుడే బడిలో ‘‘మా తెలుగు తల్లికి మల్లెపువ్వు దండ’’, ‘‘తేనెల తేటల మాటలతో మన తెలుగు దేశ మాతనే కొలిచెదమా’’ అంటూ తేట తెలుగులో పాటలు పాడేవారం. కానీ, ఇప్పుడు ఇంగ్లిష్ మీడియం స్కూళ్లు వచ్చి పిల్లలకు ఇవన్నీ దూరమవుతున్నాయి. కనీసం తల్లిదండ్రులైనా ఇళ్ల వద్ద పిల్లలకు మన తెలుగును బోధించి, మాతృభాష గొప్పతనాన్ని చెప్పాలి. ‘వాణిహంసపై విహరించే వంశధార నా తెలుగు.. ఆదిభట్ల నారాయణుడి చిరతలు సవ్వడి నా తెలుగు.. ఘంటసాల స్వరపేటిక చాటిన గీతా మాధురి నా తెలుగు... తెల్ల దొరకు నిలువెల్ల వణుకు అల్లూరి మునుకు నా తెలుగు.. జబ్బచరిచి పెను దెబ్బ తీయగల బొబ్బిలి రోషం నా తెలుగు.. కోటి సింహముల గర్జన ఒకటౌ శ్రీ శ్రీ నుడి నా తెలుగు’.. అంటూ వేనోళ్ల పొగుడుట మన తెలుగుభాష గొప్పదనం. అలాంటి తెలుగు భాషను మాటల్లో చెప్పకపోయినా కనీసం పాటల్లో అయినా విందాం. నేడు అంతర్జాతీయ మాతృభాషా దినోత్సవాన్ని పురస్కరించుకుని కొన్ని తెలుగు సినిమా పాటలు మీకోసం.. తెలుగు జాతి మనదీ.. తేనె కన్నా తీయనిది తెలుగు భాష తెలుగు భాష తీయదనం.. తెలుగంటే గోంగూర.. మా తెలుగు తల్లికి మల్లెపూల దండ.. ఎస్పీబీ తెలుగు వెలుగు పాట.. తెలుగు భాష ప్రైవేట్ సాంగ్

from Telugu Movie News | Movie News in Telugu | Movie Gossips in Telugu https://ift.tt/38M1hmD
v