స్టైలిష్ స్టార్ అల్లు అర్జున్ సినిమాల ద్వారా సంపాదించే మొత్తంలో కొంత సామాజిక సేవకు కేటాయిస్తున్నారు. ఇప్పటికే ఆయన చాలా సామాజిక కార్యక్రమాలు చేపట్టారు. ప్రకృతి విపత్తులు సంభవించినప్పుడు తన వంతుగా విరాళాలు ఇచ్చారు. తాజాగా ఆయన ఫిల్మ్ జర్నలిస్టుల సంక్షేమం నిమిత్తం రూ.10 లక్షల ఆర్థిక సహాయం అందించారు. ‘అల వైకుంఠపురంములో’ చిత్రంతో ఆల్ టైమ్ ఇండస్ట్రీ రికార్డులు (నాన్ బాహుబలి) నెలకొల్పిన స్టైలిష్ స్టార్ అల్లు అర్జున్ను ‘ఫిల్మ్ న్యూస్క్యాస్టర్స్ అసోసియేషన్ ఆఫ్ ఎలక్ట్రానిక్ మీడియా’ ప్రెసిడెంట్ వి.లక్ష్మీనారాయణ, వైస్ ప్రెసిడెంట్ వై.జె.రాంబాబు, జనరల్ సెక్రటరీ నాయుడు సురేంద్ర కుమార్, జాయింట్ సెక్రటరీ జి.శ్రీనివాస్ కుమార్, ట్రెజరర్ జి.జలపతి, ఎగ్జిక్యూటివ్ మెంబర్స్ పి.రఘు, వై.రవిచంద్ర, కె.ఫణి, వి.శ్రీనివాస రావు, జి.శ్రీనివాస్ తదితరులు బుధవారం కలిశారు. సినిమా భారీ విజయం సాధించిన సందర్భంగా ఆయనకు అభినందనలు తెలిపారు. మాటల మధ్యలో జర్నలిస్టుల సంక్షేమానికి ‘ఫిల్మ్ న్యూస్ క్యాస్టర్స్ అసోసియేషన్ ఆఫ్ ఎలక్ట్రానిక్ మీడియా’ చేస్తున్న కార్యక్రమాలను తెలుసుకున్న అల్లు అర్జున్.. తన వంతుగా 10 లక్షల రూపాయలను ఆర్థిక సహాయంగా అందించారు. తాము వచ్చింది అభినందించడానికి మాత్రమేనని, ఆర్థిక సహాయం కోరడానికి కాదని అసోసియేషన్ ప్రతినిధులు అల్లు అర్జున్తో చెప్పగా.. ‘‘మీరు చేస్తున్న పనులు నాకు బాగా నచ్చాయి. ఇది టోకెన్ ఆఫ్ అప్రిసియేషన్ అమౌంట్ మాత్రమే. ఇకముందు కూడా మీకు సహాయం చేస్తాను’’ అని భరోసా ఇచ్చారు. తన పెద్ద మనసును చాటుకున్నారు. ఈ సందర్భంగా అల్లు అర్జున్ గారు మాట్లాడుతూ.. ‘‘జర్నలిస్టుల ఆరోగ్య భద్రత, సంక్షేమం, ఇతర కార్యక్రమాల కోసం ఫిల్మ్ న్యూస్క్యాస్టర్స్ అసోసియేషన్ ఆఫ్ ఎలక్ట్రానిక్ మీడియా చేస్తున్న కృషి ప్రశంసనీయం. మంచి పనులు చేస్తున్నారు. ఈ సంస్థ చేస్తున్న సేవా కార్యక్రమాలు నాకు ఎంతగానో నచ్చాయి. అందుకని, నా వంతుగా కొంత సహాయం చేస్తున్నాను. భవిష్యత్తులోనూ అండగా ఉంటానని హామీ ఇస్తున్నాను. జర్నలిస్టులపై నాకెంతో గౌరవం ఉంది. మా సినిమాలను అభిమానులు, ప్రేక్షకుల్లోకి తీసుకువెళ్ళేది జర్నలిస్టులే. వాళ్ల సంక్షేమంలో నేను భాగం కావడం సంతోషంగా ఉంది. జర్నలిస్టులకు ఏ సహాయం కావలసినా నేను ముందుంటాను. మీరు అందరూ సమిష్టిగా పని చేయాలని కోరుకుంటున్నాను. మీరందరూ ఒకే తాటిపైకి రావాలి. మీకున్న పవర్ చాలా పెద్దది. ఇండస్ట్రీలో ఎటువంటి డిఫరెన్స్ లేకుండా మీరంతా ఒకటే అని చూపించాలి’’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/2UueuvY
v
No comments:
Post a Comment