నందమూరి కళ్యాణ్ రామ్ హీరోగా వస్తోన్న చిత్రం ‘ఎంత మంచివాడవురా!’. సతీష్ వేగేశ్న దర్శకత్వం వహించారు. ఫ్యామిలీ ఎంటర్టైనర్గా తెరకెక్కిన ఈ చిత్రాన్ని ఆదిత్య మ్యూజిక్ ఇండియా ప్రైవేట్ లిమిటెడ్ బ్యానర్పై ఉమేష్ గుప్తా, సుభాష్ గుప్తా నిర్మించారు. శ్రీదేవి మూవీస్ అధినేత శివలెంక కృష్ణప్రసాద్ ఈ చిత్రాన్ని సమర్పిస్తున్నారు. సంక్రాంతి కానుకగా ఈనెల 15న ‘ఎంత మంచివాడవురా!’ విడుదలవుతోంది. ఇదిలా ఉంటే, ఈ సినిమా సెన్సార్ కార్యక్రమాలను సోమవారం పూర్తిచేశారు. సెన్సార్ బోర్డు క్లీన్ ‘యు’ సర్టిఫికెట్ ఇచ్చింది. ఎలాంటి కట్స్ చెప్పకుండా సినిమాకు ‘యు’ సర్టిఫికెట్ ఇచ్చినట్టు చిత్ర యూనిట్ వెల్లడించింది. సెన్సార్ పూర్తయిన సందర్భంగా దర్శకుడు సతీశ్ వేగేశ్న మాట్లాడుతూ.. ‘‘ఈ సంక్రాంతికి క్లీన్ ఫ్యామిలీ ఎంటర్టైనర్గా మా ‘ఎంత మంచివాడవురా’ సినిమా ప్రేక్షకుల ముంందుకు వస్తుంది. సినిమా సెన్సార్ పూర్తి చేసుకోవడమే కాదు.. సింగిల్ కట్ లేకుండా క్లీన్ యు సర్టిఫికేట్ పొందింది. హృదయానికి హత్తుకునే అందమైన ఎమోషన్స్తో సాగే కుటుంబ కథా చిత్రమిది’’ అని అన్నారు. Also Read: కాగా, ఈ చిత్రంలో కళ్యాణ్ రామ్ సరసన మెహరీన్ హీరోయిన్గా నటించింది. విజయ్ కుమార్, వి.కె.నరేశ్, సుహాసిని, శరత్బాబు, తనికెళ్ల భరణి, పవిత్రా లోకేశ్, రాజీవ్ కనకాల, వెన్నెల కిశోర్, ప్రవీణ్, ప్రభాస్ శ్రీను ఇతర పాత్రలు పోషించారు. ఈ సినిమాకు గోపీ సుందర్ సంగీతం సమకూర్చారు. రాజ్ తోట సినిమాటోగ్రఫీ అందించారు.
from Telugu Movie News | Movie News in Telugu | Movie Gossips in Telugu https://ift.tt/2T0hUWv
v
No comments:
Post a Comment