‘అల వైకుంఠపురములో’ కొత్త రికార్డ్.. సౌతిండియాలోనే తొలిసారి!

స్టైలిష్ స్టార్ అల్లు అర్జున్ హీరోగా, మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న సినిమా ‘అల వైకుంఠపురములో’. హారిక అండ్ హాసిని క్రియేషన్స్, గీతా ఆర్ట్స్ బ్యానర్స్‌పై అల్లు అరవింద్‌, ఎస్‌.రాధాకృష్ణ (చినబాబు) సంయుక్తంగా ఈ చిత్రాన్ని నిర్మిస్తున్నారు. సంక్రాంతి కానుకగా జనవరి 12న ఈ సినిమా విడుదలవుతుంది. ఇప్పటికే ఈ సినిమాపై భారీ అంచనాలు ఏర్పడ్డాయి. సినిమా విడుదలకు ముందు ప్రేక్షకుల్లో అంచనాలను రెట్టింపు చేయడానికి వినూత్న రీతిలో ప్రచార కార్యక్రమాలను ప్లాన్ చేసింది చిత్ర యూనిట్. దీనిలో భాగంగా కొత్తగా మ్యూజికల్ నైట్‌ను నిర్వహిస్తోంది. ఈనెల 6న యూసుఫ్ గూడలోని పోలీస్ గ్రౌండ్స్‌లో ‘అల వైకుంఠపురములో’ మ్యూజికల్ కాన్సెర్ట్‌ను నిర్వహిస్తు్న్నారు. ఇప్పటి వరకు కనీవినీ ఎరుగని రీతిలో ఈ ఈవెంట్ ఉండబోతోందని చిత్ర యూనిట్ చెబుతోంది. Also Read: ఈ ఈవెంట్‌ను శ్రేయస్ మీడియా డిఫరెంట్‌గా ప్లాన్ చేసింది. 52 అడుగుల పొడవు, 162 అడుగుల వెడల్పుతో స్టేజీని డెకరేట్ చేయనున్నారు. సౌత్ ఇండియాలో ఇంత భారీగా స్టేజ్ వెయ్యడం ఇదే మొదటిసారి. అలాగే ఈ ఫంక్షన్‌లో తమన్, శివమణి, సిద్ శ్రీరామ్, అర్మాన్ మాలిక్, రాహుల్ సిప్లిగoజ్, రోల్ రైడా, లేడి కాశ్, రాహుల్ నంబియార్, అనురాగ్ కులకర్ణి, ప్రియ సిస్టర్స్ లైవ్ పెర్ఫార్మెన్స్ ఇవ్వబోతున్నారు. అలాగే ఎమ్.జె5 డాన్స్, ఇండియన్ రాగా వారు స్పెషల్ పెర్ఫార్మెన్స్ ఇస్తున్నారు. Also Read: కాగా, పూజా హెగ్డే హీరోయిన్‌గా నటిస్తోన్న ఈ చిత్రంలో టబు, రాజేంద్రప్రసాద్, సచిన్ ఖేడ్ కర్, తనికెళ్ళ భరణి, మురళీ శర్మ, సముద్ర ఖని, జయరాం, సునీల్, నవదీప్, సుశాంత్, నివేతా పేతురాజ్ ముఖ్య పాత్రలు పోషించారు. గోవిందా పద్మసూర్య, కల్యాణి నటరాజన్, రోహిణి, ఈశ్వరీ రావు, శిరీష, బ్రహ్మాజీ, హర్షవర్ధన్, అజయ్, రాహుల్ రామకృష్ణ, పమ్మి సాయి ఇతర పాత్రల్లో నటించారు. తమన్ సంగీతం సమకూర్చిన ఈ చిత్రానికి పి.ఎస్.వినోద్ సినిమాటోగ్రఫీ అందించారు.

from Telugu Movie News | Movie News in Telugu | Movie Gossips in Telugu https://ift.tt/35tfB0K
v