‘‘మోహన్‌లాల్ నా కెరీర్‌‌ను దెబ్బతీశాడు..ఆయనకంటే నాకే పేరొచ్చింది’’

‘రెడ్డప్పా.. నీ అంతు చూస్తా’ అంటూ బ్లాక్ బస్టర్ విజయం అందుకున్న ‘యజ్ఞం’ సినిమాలో రాయలసీమ యాసతో అదరగొట్టారు ప్రముఖ ఆర్టిస్ట్ . ఒకప్పుడు ఆయన ఇండస్ట్రీలో వేసిన పాత్రలన్నింటికీ మంచి పేరు వచ్చింది. ఆ తర్వాత మలయాళం, తమిళం, కన్నడ, బెంగాలీ, ఒరియా భాషల్లోనూ నటించారు. అయితే ఇన్ని భాషల్లో నటించినప్పటికీ మలయాళ ప్రేక్షకులే తనను బాగా ఆదరించారట. ఈ విషయాన్ని రంగరాజు ఓ ఇంటర్వ్యూలో వెల్లడించారు. ‘‘నేను పుట్టింది పుణె, పెరిగింది గుంతకల్లు. నా అసలు పేరు ఉదయ్ రాజ్‌కుమార్. కానీ మద్రాసులో రాజ్‌కుమార్ అందరికీ తెలుసు. నేను ఇండస్ట్రీలోకి ఎంటర్ అయినప్పుడు ఆ పేరుతో ఆల్రెడీ ఓ నటుడు ఉన్నారు కాబట్టి అదే పేరు వద్దు సర్ అన్నారు. విజయ ప్రొడక్షన్స్‌లో నటిస్తున్నప్పుడు విజయ అనే పేరును, ఎస్వీ రంగారావు వేషం వేసాను కాబ్టటి రంగ, ఆల్రెడీ నా పేరు రాజ్‌కుమార్ కాబట్టి రాజు అని మూడు అక్షరాలు కలిపి విజయ రంగరాజు అని పెట్టారు. అయితే నా పేరు చివరిలో రాజు అని ఉండటం చూసి అందరూ నాది రాజుల కులం అనుకున్నారు. కానీ నేను చౌదరి అని తర్వాత తెలిసింది’’ READ ALSO: ‘‘ఓసారి ఓ నిర్మాత నా వద్దకు వచ్చి ఓ విషయం చెప్పాడు. సర్.. మీరు రాజులు అనుకుని మీరు నటించిన ఆరు సినిమాల్లో మీ పాత్రలను కట్ చేశాను. మీరు చౌదరి అని తెలిసుంటే మరో ఆరు సినిమాల్లో అవకాశాలు ఇచ్చేవాడిని అని అన్నాడు. నేను షాక్. ఆ తర్వాత మలయాళంలో మోహన్‌లాల్‌తో కలిసి ‘వియత్నాం కాలనీ’ అనే సినిమాలో నటించాను. అందులో నాది విలన్ పాత్ర. హీరో మోహన్‌లాల్ అయినా కూడా నాకే బాగా పేరు వచ్చింది. నా వల్లే సినిమా 25 రోజులు ఆడింది. దాంతో మోహన్‌లాల్‌కు కోపం వచ్చింది. ఆయన డైరీలో ‘ఇది నా జీవితంలోనే చెత్త సినిమా’ అని రాసుకున్నారట. ఈ విషయాలన్నీ నాకు తెలిసిన వ్యక్తి చెప్పాడు. అది విన్నాక నాకు బాధేసింది. అంతేకాదు ఆయన వల్ల 11 సినిమాలు చేజారిపోయాయి. నేనుంటే నటించను అని చెప్పారట.’’ ‘‘కాస్త బాధేసినా సంతోషించాను. ఎందుకంటే.. ఒకప్పుడు ఎస్వీ రంగారావుకు పెద్ద పాత్ర లేకపోయినా ఆయన ఎక్స్‌ప్రెషన్స్‌తోనే సగం మార్కులు కొట్టేశారు. ఆయన తర్వాత ఓ స్టార్ హీరో నన్ను చూసి భయపడ్డాడు. ఇండస్ట్రీ పుట్టినప్పటి నుంచే కుల పిచ్చి ఉంది. అయితే ఇప్పుడు రోజుల మారాయి. చిన్న హీరోలు ప్రొడ్యూసర్లుగా సినిమాలు తీసేస్తున్నారు. కాబట్టి ముంబయి నుంచి కాకుండా మాలాంటి వారిని సినిమాల్లో తీసుకుంటున్నారు. మీ లాంటి వాళ్లు మాకు దేవుళ్లతో సమానం సర్ అంటున్నారు. అంతకంటే మాకు ఏం కావాలి’’ READ ALSO:

from Telugu Movie News | Movie News in Telugu | Movie Gossips in Telugu https://ift.tt/2TUOSrO
v