వరుస విజయాలతో మంచి ఫాంలో ఉన్న సీనియర్ హీరో వెంకటేష్ త్వరలో రీమేక్ సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. తమిళ్లో ఘనవిజయం సాధించిన అసురన్ సినిమాను తెలుగులో వెంకటేష్ హీరోగా రీమేక్ చేస్తున్నారు. ఈ సినిమాను వి క్రియేషన్స్, సురేష్ ప్రొడక్షన్స్ బ్యానర్లపై సురేష్ బాబు, కలైపులి యస్ థానులు సంయుక్తంగా నిర్మిస్తున్నారు. తమిళ్లో ధనుష్ పోషించిన పాత్రను తెలుగులో వెంకటేష్ పోషించనున్నాడు. అయితే ఈ సినిమాలో వెంకీకి జోడిగా నటించబోయే హీరోయిన్ విషయంలో ఇంకా క్లారిటీ రాలేదు. తమిళ్లో మంజు వారియర్ పోషించిన ఈ పాత్రకు ముందుగా ఈ పాత్రకు బాహుబలి భామ అనుష్కను తీసుకోవాలని భావించారు. కానీ ఇద్దరు యువకుల తల్లిగా నటించేందుకు అనుష్క నో చెప్పింది. ప్రస్తుతం లేడీ ఓరియంటెండ్ సినిమాలతో మంచి ఫాంలో ఉన్న అనుష్క ఈ పాత్రలో నటించేందుకు ఆసక్తి చూపించలేదు. Also Read: దీంతో చిత్రయూనిట్ శ్రియను సంప్రదించారు. ప్రస్తుతం సీనియర్ హీరోలకు జోడిగా నటిస్తున్న శ్రియ కూడా ఈ పాత్ర విషయంలో పెద్దగా ఆసక్తి చూపించటం లేదు. డైరెక్ట్గా నో అని చెప్పకపోయినా డేట్స్ అడ్జస్ట్ చేయలేకపోతున్నానంటూ శ్రియ ఈ ప్రాజెక్ట్ నుంచి తప్పుకున్నట్టుగా తెలుస్తోంది. తాజాగా మరో హీరోయిన్ను సంప్రదించే పనిలో ఉన్నారు చిత్రయూనిట్. ఒకప్పుడు విలక్షణ పాత్రలో టాలీవుడ్, కోలీవుడ్లలో సత్తా చాటిన నటి ప్రియమణి లాంగ్ గ్యాప్ తరువాత ఇటీవల తిరిగి సినిమాల్లో నటిస్తోంది. దీంతో ఈ భామను వెంకీకి జోడిగా తీసుకుంటే ఎలా ఉంటుందని భావిస్తున్నారు చిత్రయూనిట్. ప్రయోగాత్మక పాత్రలకు ఎప్పుడూ ముందుండే ప్రియమణి, ఈ సినిమాలో నటించేందుకు అంగీకరిస్తుందన్న ఆశాభావం వ్యక్తం చేస్తున్నారు చిత్రయూనిట్. Also Read: రివేంజ్ డ్రామాగా తెరకెక్కిన ఈ సినిమా వర్షన్కు వెట్రిమారన్ దర్శకత్వం వహించాడు. ఇప్పుడు తెలుగు రీమేక్కు శ్రీకాంత్ అడ్డాల దర్శకత్వం వహించనున్నాడు. ఎక్కువగా ఫ్యామిలీ డ్రామాలు మాత్రమే తెరకెక్కించిన శ్రీకాంత్ అడ్డాల, బ్రహ్మోత్సవం సినిమా డిజాస్టర్ కావటంతో కొంత కాలం ఇండస్ట్రీకి దూరమయ్యాడు. లాంగ్ గ్యాప్ తరువాత అసురన్ రీమేక్తో తిరిగి మెగాఫోన్ పట్టనున్నాడు.
from Telugu Movie News | Movie News in Telugu | Movie Gossips in Telugu https://ift.tt/2FbI0xF
v
No comments:
Post a Comment