‘‘అక్క కోసం చెత్త సినిమాల్లో నటించాల్సి వచ్చింది’’

అనగానే అందరికీ కాంట్రోవర్సీ క్వీన్ అన్నమాటే తడుతుంది. కానీ ఆమె ఐడింటిటీ అంతకుమించి ఉంది. 19 ఏళ్ల వయసులోనే ఇండస్ట్రీలో అడుగుపెట్టారు. చిన్నా చితకా సినిమాలు చేసుకుంటూ ఉండేవారు. ఒకవేళ పెద్ద సినిమాల్లో అవకాశం వచ్చినా రొమాంటిక్ సన్నివేశాల కోసమే తీసుకునేవారు. కట్ చేస్తే.. ఈరోజు ఆమె బాలీవుడ్ క్వీన్‌గా ఎదిగారు. బాలీవుడ్‌లో అత్యధిక పారితోషికం తీసుకునే ఏకైక కథానాయిక కంగనా రనౌత్. ఆమె ఖాతాలో మూడు జాతీయ అవార్డులు కూడా ఉన్నాయి. అయితే తాను కెరీర్ మొదట్లో ఎదుర్కొన్న అనుభవాల గురించి కంగన ఓ ఇంటర్వ్యూలో వెల్లడించారు. ఆ మాటలు వింటే హృదయం ద్రవించకమానదు. ‘‘నేను ఇండస్ట్రీలోకి వచ్చినప్పుడు నాకు 19 ఏళ్లు. అప్పుడే మా అక్క రంగోలీపై యాసిడ్ ఎటాక్ జరిగింది. ఏం చేయాలో తెలీని పరిస్థితి. మాది మధ్య తరగతి కుటుంబం. అక్క ట్రీట్‌మెంట్‌కు చేతిలో డబ్బులు కూడా లేవు. తనకు సరైన చికిత్స చేయించాలని చెత్త సినిమాల్లో నటించడానికి ఒప్పుకున్నాను. అతిథి పాత్రలో నటించడానికి ఒప్పుకున్నాను. అలా వచ్చిన డబ్బుతో అక్కకు 54 సర్జరీలు చేయించాను. ఆ సమయంలో నాలాంటి అమ్మాయిలకు జుట్టు సరిగ్గా లేదనో, లేక అమ్మ వండిన తిండి నచ్చలేదనో.. ఇలాంటి సమస్యలతో బాధపడుతుండేవారు. కానీ ఆ వయసులోనే నేను చాలా కష్టాలు పడ్డాను. కూర్చుని ఏడ్చే సమయం కూడా ఉండేది కాదు. అలా చెత్త సినిమాలు చేస్తూ నరకంలో పడిపోయాను. చాలా మంది నా చేతకానితనాన్ని వాడుకున్నారు. నా తల్లిదండ్రులకు ఏమీ చెప్పుకోలేనని నన్ను లైంగికంగా వేధించారు. ఒక మనిషి ఎంత నరకం అనుభవిస్తాడో అవన్నీ నేను ఇక్కడే అనుభవించేశా. ఈ సంఘటలన్నీ నన్ను స్ట్రాంగ్‌గా మార్చాయి. కానీ నా పిల్లలకు ఇలాంటి పరిస్థితి ఎదురుకాకూడదు. వారిని మెరుగైన భవిష్యత్తును అందిస్తాను’ అని తెలిపారు. READ ALSO: ప్రస్తుతం కంగన ‘పంగా’ అనే సినిమాలో నటిస్తున్నారు. అశ్వినీ అయ్యర్ తివారీ డైరెక్ట్ చేశారు. ఇందులో కంగన కబడ్డీ క్రీడాకారిణిగా ఓ ఇల్లాలిగా ఓ పిల్లాడికి తల్లిగా వివిధ పాత్రలను పోషించారు. జనవరి 24న సినిమా ప్రేక్షకుల ముందుకు రానుంది. READ ALSO:

from Telugu Movie News | Movie News in Telugu | Movie Gossips in Telugu https://ift.tt/2R95cDq
v