అలాంటి అధ్యక్షుడు ఉండటం ‘మా’ దురదృష్టం: శివాజీ రాజా షాకింగ్ కామెంట్స్

మూవీ ఆర్టిస్ట్ అసోసియేషన్‌లో ముసలం ఏర్పడింది. ‘మా’కు సెక్రటరీగా ఉన్న సినీ నటుడు రాజశేఖర్.. సంఘంలో నెలకొన్న సమస్యల గురించి చెప్పి ఇటీవల రచ్చ చేశారు. దాంతో ఆయనపై మెగాస్టార్ చిరంజీవి, మోహన్ బాబు తదితరులు ఆగ్రహం వ్యక్తం చేశారు. దాంతో రాజశేఖర్ తన పదవి నుంచి తప్పుకున్నారు. ఈ విషయంపై తాజాగా ‘మా’ మాజీ అధ్యక్షుడు స్పందించారు. ‘మా’కు నరేష్ లాంటి అధ్యక్షుడు ఉండటం దురదృష్టకరం అన్నారు. ‘‘మొన్న ‘మా’లో ఏదైతే చోటుచేసుకుందో అది చాలా దురదృష్టకరం. అందులోనూ ఇండస్ట్రీకి చెందిన పెద్దల ముందు సభ్యులు కొట్టుకున్నారు. ఇలా ప్రవర్తించడంపై వారే ఓసారి ఆత్మపరిశీలన చేసుకోవాలి. రాజశేఖర్ చాలా ఎమోషనల్‌గా ఉండే వ్యక్తి. ఆయన అసోసియేషన్‌కు పది లక్షలు ఇచ్చారు. కానీ దాని గురించి ఎప్పుడూ గొప్పగా చెప్పుకోలేదు. ప్రస్తుతం ‘మా’కు అధ్యక్షుడిగా వ్యవహరిస్తున్న నరేష్‌కు ఫండ్స్ గురించి అసలు అవగాహన లేదు. అసోసియేషన్ కోసం ఎంత ఫండ్స్ సంపాదించారో అధ్యక్షుడికే తెలీకపోతే ఎలా? అసోసియేషన్ కోసం చాలా మంది విరాళాలు ఇవ్వడానికి ముందుకొచ్చారు. కానీ ఈరోజు వారినే అవమానించారు. అలాంటి అధ్యక్షుడు ఉండటం ‘మా’ దురదృష్టం’’ అంటూ ఆగ్రహం వ్యక్తం చేశారు. READ ALSO: గతంలో ‘మా’ ఎన్నికలు జరుగుతున్నప్పుడు నరేష్, శివాజీ రాజా ప్రత్యర్థులుగా ఉన్నారు. మెగా బ్రదర్ నాగబాబు సహకారంతో నరేష్ అధ్యక్షుడిగా నెగ్గారని అంతా అనుకున్నారు. దాంతో శివాజీ రాజా నాగబాబుపై కూడా షాకింగ్ కామెంట్స్ చేశారు. చిరంజీవి, పవన్ కళ్యాణ్ పేర్లు వాడుకుని నాగబాబు ఎదుగుతున్నాడే తప్ప సొంతంగా ఆయన నిరూపించుకుంది ఏమీ లేదని అన్నారు. నరేష్ అధ్యక్షుడిగా ఎన్నికయ్యాక శివాజీ రాజా కార్యక్రమానికి విచ్చేసి తాను ఎల్లప్పుడూ ‘మా’కు సహకరించేందుకు సిద్ధంగా ఉంటానని వెల్లడించారు. READ ALSO:

from Telugu Movie News | Movie News in Telugu | Movie Gossips in Telugu https://ift.tt/2QkiOLI
v